മോദിക്കരികിലേക്ക് പോകാത്തതെന്ത്? വിശദീകരണവുമായി ആർ. ശ്രീലേഖ; 'ക്ഷണിക്കാതെ പോകരുതെന്നത് പോലീസ് ശീലമെന്ന്' മറുപടി

​തിരുവനന്തപുരം: ബിജെപി സമ്മേളന വേദിയിൽ പ്രധാനമന്ത്രി നരേന്ദ്ര മോദിയുടെ അരികിലേക്ക് പോകാതിരുന്നതിൽ വിശദീകരണവുമായി മുൻ ഐപിഎസ് ഉദ്യോഗസ്ഥയും നിലവിൽ നഗരസഭാ കൗൺസിലറുമായ ആർ. ശ്രീലേഖ. 33 വർഷത്തെ പോലീസ് സേവനത്തിനിടയിൽ ലഭിച്ച പരിശീലനമാണ് തന്നെ തടഞ്ഞതെന്ന് ശ്രീലേഖ വ്യക്തമാക്കി. ക്ഷണിക്കാതെ വേദിയിലെ പ്രമുഖരുടെ അടുത്തേക്ക് പോകരുതെന്ന ശീലം ഉള്ളതുകൊണ്ടാണ് സീറ്റിൽ തന്നെ ഇരുന്നതെന്ന് ഫെയ്‌സ്ബുക്ക് വീഡിയോയിലൂടെ അവർ അറിയിച്ചു.

​തനിക്ക് രാഷ്ട്രീയം പുതിയ കാര്യമാണെന്നും എന്നാൽ ഈ സംഭവത്തിൽ ആർക്കും തെറ്റിദ്ധാരണ വേണ്ടെന്നും അവർ കൂട്ടിച്ചേർത്തു. താൻ എന്നും ബിജെപിക്കൊപ്പം തന്നെയായിരിക്കുമെന്നും ശ്രീലേഖ വ്യക്തമാക്കി.