എന്‍റെ അമ്മ അവരുടെ താലിമാല ഈ രാജ്യത്തിനു വേണ്ടി ത്യജിച്ചയാളാണെന്ന് മോദിക്ക് മറുപടിയുമായി പ്രിയങ്ക

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ താലിമാല പരാമർശത്തിൽ രൂക്ഷഭാഷയിൽ മറുപടിയുമായി കോൺഗ്രസ് നേതാവ് പ്രയങ്ക ഗാന്ധി. ഇന്ത്യയ്ക്ക് സ്വാതന്ത്ര്യം കിട്ടിയിട്ട് 70 വർഷങ്ങൾ പിന്നിട്ടു. അതിൽ 55 വർഷം കോൺഗ്രസ് ഭരിച്ചു. ആർക്കെങ്കിലും അവരുടെ താലിമാലകളോ സ്വത്തു വകകളോ നഷ്ടപ്പെട്ടിട്ടുണ്ടോയെന്ന് പ്രിയങ്ക ഗാന്ധി ചോദിച്ചു. എന്‍റെ അമ്മ അവരുടെ താലിമാല ഈ രാജ്യത്തിനു വേണ്ടി ത്യജിച്ചയാളാണെന്നും യുദ്ധസമയത്ത് സ്വർണാഭരണങ്ങൾ രാജ്യത്തിനു വേണ്ടി നൽകിയയാളാണ് തന്‍റെ മുത്തശ്ശിയെന്നും പ്രിയങ്ക ബംഗളൂരുവിൽ പറഞ്ഞു.