മാങ്ങ പറിക്കുന്നതിനിടെ വൈദ്യുതാഘാതമേറ്റു; കൂരാച്ചുണ്ട് സ്വദേശി മരണപ്പെട്ടു

 

കൂരാച്ചുണ്ട്: മാങ്ങ പറിക്കുന്നതിനിടെ ഇലക്ട്രിക് ലൈനിൽ നിന്ന് ഷോക്കേറ്റ് മധ്യവയസ്കൻ മരിച്ചു. കൂരാച്ചുണ്ട് വട്ടച്ചിറ പിണക്കാട്ട് വീട്ടിൽ ബിജോ ജോർജ് (50) ആണ് മരണപ്പെട്ടത്   വൈകുന്നേരം നാല് മണിയോടെയായിരുന്നു ദാരുണമായ സംഭവം.

​വട്ടച്ചിറയിലുള്ള തൊട്ടടുത്ത ബന്ധുവീട്ടിൽ വെച്ച് മാങ്ങ പറിക്കുന്നതിനിടയിൽ അബദ്ധത്തിൽ ഇലക്ട്രിക് ലൈനിൽ തട്ടുകയായിരുന്നു. അപകടം സംഭവിച്ച ഉടനെ തന്നെ അദ്ദേഹത്തെ സമീപത്തെ ആശുപത്രിയിൽ എത്തിച്ചെങ്കിലും, സ്ഥിതി ഗുരുതരമായതിനാൽ തുടർന്ന് പേരാമ്പ്രയിലെ ആശുപത്രിയിലേക്ക്എത്തിക്കുകയായിരുന്നു . എന്നാൽ ആശുപത്രിയിൽ എത്തുന്നതിന് മുൻപ് തന്നെ മരണം സംഭവിച്ചിരുന്നു.

​ജോർജിന്റെയും അന്നമ്മയുടെയും മകനാണ്. സിസിലി  ആണ് ഭാര്യ. ഇവാൻസ്, ഇവ്‌ലിൻ എന്നിവർ മക്കളാണ്.

​മൃതദേഹം  പേരാമ്പ്ര ഇ.എം.എസ് സഹകരണ ആശുപത്രിയിൽ സൂക്ഷിച്ചിരിക്കുകയാണ്.