പോളിങ്ങ് സമയം അവസാനിച്ചു ബൂത്തുകളിൽ വലിയ ക്യ പോളിങ്ങ് 79 ശതമാനം കടന്നു

സംസ്ഥാന നിയമസഭാ തിരഞ്ഞെടുപ്പിൽ കേരളം ആവേശകരമായ പോളിംഗിലേക്ക്. വൈകിട്ട് 6 മണിക്ക് ശേഷമുള്ള കണക്ക് പ്രകാരം സംസ്ഥാനത്ത് 79 ശതമാനം പോളിംഗ് രേഖപ്പെടുത്തിക്കഴിഞ്ഞു. സംസ്ഥാനത്തെ ആകെ വോട്ടർമാരായ 2.71 കോടിയിൽ 2.03 കോടിയിലധികം പേർ ഇതിനോടകം തന്നെ തങ്ങളുടെ സമ്മതിദാനാവകാശം വിനിയോഗിച്ചു.

2021-ലെ നിയമസഭാ തിരഞ്ഞെടുപ്പിലെ ആകെ പോളിംഗ് ശതമാനം 74.06 ആയിരുന്നു. എന്നാൽ ഇത്തവണ വോട്ടെടുപ്പ് പൂർത്തിയാകാൻ മണിക്കൂറുകൾ ബാക്കിനിൽക്കെ തന്നെ ഈ കണക്കിനെ കേരളം മറികടന്നു എന്നത് വോട്ടർമാരുടെ സജീവ പങ്കാളിത്തമാണ് വ്യക്തമാക്കുന്നത്. പല മണ്ഡലങ്ങളിലും പോളിംഗ് ശതമാനം ഇനിയും ഉയരാൻ സാധ്യതയുണ്ടെന്നാണ് പ്രാഥമിക നിഗമനം. വോട്ടെടുപ്പ് അവസാന ഘട്ടത്തിലേക്ക് കടക്കുമ്പോഴും പല ബൂത്തുകളിലും വോട്ടർമാരുടെ നീണ്ട നിര ദൃശ്യമാണ്.