എടയാർ വ്യവസായ കേന്ദ്രത്തിൽ വൻ തീപിടിത്തം; ഓയിൽ കമ്പനിയിൽ ഒരാൾ മരിച്ചു

​

കൊച്ചി: എറണാകുളം എടയാർ വ്യവസായ കേന്ദ്രത്തിലെ ഓയിൽ കമ്പനിയിലുണ്ടായ ശക്തമായ തീപിടിത്തത്തിൽ ഒരാൾ മരിച്ചു. എടയാറിലെ 'സി.ജി. ലൂബ്രിക്കന്റ്‌സ്' എന്ന കമ്പനിയിലാണ് ഇന്ന് രാവിലെ തീപിടിത്തമുണ്ടായത്. മരിച്ച വ്യക്തിയെ ഇതുവരെ തിരിച്ചറിഞ്ഞിട്ടില്ല.

​തീപിടിത്തത്തിന് പിന്നാലെ കമ്പനിക്കുള്ളിൽ ശക്തമായ പൊട്ടിത്തെറിയുണ്ടായതായി പ്രദേശവാസികൾ പറഞ്ഞു. ഇതേത്തുടർന്ന് പ്രദേശം വലിയ പരിഭ്രാന്തിയിലായി. വിവരമറിഞ്ഞ് വിവിധ യൂണിറ്റുകളിൽ നിന്നുള്ള ഫയർഫോഴ്‌സ് സംഘം സ്ഥലത്തെത്തി തീ അണയ്ക്കാനുള്ള ശ്രമങ്ങൾ ഊർജ്ജിതമായി തുടരുകയാണ്. ഓയിൽ കമ്പനിയായതിനാൽ തീ പടരുന്നത് തടയാൻ അതീവ ജാഗ്രതയോടെയാണ് രക്ഷാപ്രവർത്തനം നടക്കുന്നത്.

​അപകടകാരണം വ്യക്തമല്ല. ഷോർട്ട് സർക്യൂട്ടാണോ അതോ മറ്റ് സാങ്കേതിക തകരാറുകളാണോ കാരണമെന്ന് ഫയർഫോഴ്‌സും പോലീസും പരിശോധിച്ചുവരികയാണ്. കൂടുതൽ വിവരങ്ങൾ ലഭ്യമായി വരുന്നതേയു