Join Our WhatsApp Group
ലോസ് ഏഞ്ചൽസ്: ലോക സിനിമാ പ്രേമികൾ കാത്തിരുന്ന 98-ാമത് അക്കാദമി അവാർഡുകൾ പ്രഖ്യാപിച്ചു. പുതിയ വിഭാഗങ്ങൾ ഉൾപ്പെടുത്തിയും അപ്രതീക്ഷിത വിജയങ്ങൾ സമ്മാനിച്ചും ഇത്തവണത്തെ ഓസ്കർ ശ്രദ്ധേയമായി. സഹനടനുള്ള പുരസ്കാരം ഷോൺ പെന്നും സഹനടിക്കുള്ള പുരസ്കാരം എമി മാടിഗനും സ്വന്തമാക്കി.
പ്രധാന പുരസ്കാരങ്ങൾ:
സഹനടൻ: ഷോൺ പെൻ (ചിത്രം: വൺ ബാറ്റിൽ ആഫ്റ്റർ അനദർ)
സഹനടി: എമി മാടിഗൻ (ചിത്രം: വെപ്പൺസ്)
മികച്ച ആനിമേറ്റഡ് ചിത്രം: കെ പോപ്പ് ഡീമൻ ഹണ്ടേഴ്സ് (കൊറിയ)
മികച്ച ആനിമേറ്റഡ് ഹ്രസ്വചിത്രം: ദി ഗേൾ ഹു ക്രൈഡ് പേൾസ്
മികച്ച ലൈവ് ആക്ഷൻ ഷോർട്ട് ഫിലിം: പുരസ്കാരം രണ്ട് ചിത്രങ്ങൾ പങ്കിട്ടു — 'ദ് സിങ്ങേഴ്സ്', 'ടു പീപ്പിൾ എക്സ്ചേഞ്ചിങ് സലൈവ'.
ചരിത്രമായി പുതിയ വിഭാഗം:
ഓസ്കർ ചരിത്രത്തിൽ ആദ്യമായി ഏർപ്പെടുത്തിയ 'കാസ്റ്റിങ് ഡയറക്ഷൻ' വിഭാഗത്തിൽ കസാൻഡ്ര കുലുക്കുൻഡിസ് പുരസ്കാരം നേടി. 'വൺ ബാറ്റിൽ ആഫ്റ്റർ അനദർ' എന്ന ചിത്രത്തിലെ കാസ്റ്റിംഗിനാണ് ഈ നേട്ടം.
സാങ്കേതിക മികവിൽ 'ഫ്രാങ്കെൻസ്റ്റൈൻ':
മേക്കപ്പ് ആൻഡ് ഹെയർസ്റ്റൈലിങ്ങ് വിഭാഗത്തിൽ 'ഫ്രാങ്കെൻസ്റ്റൈൻ' പുരസ്കാരം നേടി. മൈക്ക് ഹിൽ, ജോർദൻ, സാമുവൽ, ക്ലിയോണ ഫ്യുറെ എന്നിവരാണ് പുരസ്കാരത്തിന് അർഹരായത്. ഇതേ ചിത്രത്തിലൂടെ കേറ്റ് ഹോളെ മികച്ച കോസ്റ്റ്യൂം ഡിസൈനുള്ള പുരസ്കാരവും സ്വന്തമാക്കി.
ശക്തമായ മത്സരം:
അക്കാദമി ചരിത്രത്തിൽ ഏറ്റവുമധികം നോമിനേഷനുകൾ (16 എണ്ണം) നേടിയ 'സിന്നേഴ്സും', 13 നോമിനേഷനുകളുമായി ലിയനാഡോ ഡികാപ്രിയോ ചിത്രം 'വൺ ബാറ്റിൽ ആഫ്റ്റർ അനദറും' തമ്മിൽ പ്രധാന വിഭാഗങ്ങളിൽ കടുത്ത മത്സരമാണ് നടക്കുന്നത്.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.