ബഹ്‌റൈനിലെ യുഎസ് നാവിക ആസ്ഥാനത്ത് ഇറാന്റെ മിസൈൽ ആക്രമണം; 21 സൈനികർ കൊല്ലപ്പെട്ടതായി റിപ്പോർട്ട്

മനാമ/ടെഹ്‌റാൻ: പശ്ചിമേഷ്യയിലെ യുദ്ധസാഹചര്യം അതീവ ഗുരുതരമാകുന്നു. ബഹ്‌റൈനിലെ അമേരിക്കൻ നാവിക ആസ്ഥാനത്തിനു നേരെ ഇറാൻ നടത്തിയ മിസൈൽ-ഡ്രോൺ ആക്രമണത്തിൽ 21 യുഎസ് സൈനികർ കൊല്ലപ്പെട്ടതായി 'ടെഹ്‌റാൻ ടൈംസ്' റിപ്പോർട്ട് ചെയ്തു. മനാമയിലെ ജുഫൈറയിലുള്ള യുഎസ് നേവിയുടെ അഞ്ചാം ഫ്ലീറ്റിനെ ലക്ഷ്യമിട്ടായിരുന്നു ഇറാന്റെ ഈ പ്രത്യാക്രമണം. അത്യാധുനിക മിസൈലുകളും ഡ്രോണുകളും ഉപയോഗിച്ചാണ് ഇറാൻ നാവിക ആസ്ഥാനം തകർത്തത്.

തുടർച്ചയായ ആക്രമണങ്ങൾ: നേരത്തെ കുവൈത്തിലെ യുഎസ് സൈനിക താവളത്തിന് നേരെയുണ്ടായ ആക്രമണത്തിൽ ആറ് സൈനികർ കൊല്ലപ്പെട്ടിരുന്നു. ഇതിന് പിന്നാലെയാണ് ബഹ്‌റൈനിലും ശക്തമായ ആക്രമണം ഉണ്ടായത്. ഇറാനുനേരെ അമേരിക്കയും ഇസ്രായേലും സംയുക്തമായി നടത്തുന്ന സൈനിക നടപടികൾക്ക് മറുപടിയായാണ് ഗൾഫ് മേഖലയിലെ യുഎസ് കേന്ദ്രങ്ങളെ ഇറാൻ ലക്ഷ്യമിടുന്നത്.

.