സ്വർണവില തഴേക്ക്: ഇന്ന് മാത്രം കുറഞ്ഞത് 1,120 രൂപ; ആശ്വാസത്തിൽ ഉപഭോക്താക്കൾ

​

സംസ്ഥാനത്ത് സ്വർണവിലയിൽ റെക്കോർഡ് ഇടിവ്. വെള്ളിയാഴ്ച മാത്രം രണ്ട് തവണയായി പവന് 1,120 രൂപയാണ് കുറഞ്ഞത്. ഉച്ചയ്ക്ക് ശേഷം പവന് 400 രൂപ കൂടി കുറഞ്ഞതോടെ ഒരു പവൻ സ്വർണത്തിന്റെ വില 1,17,840 രൂപയിലേക്ക് താഴ്ന്നു.

​ഇന്നത്തെ വില മാറ്റം ഒറ്റനോട്ടത്തിൽ:

​പവൻ വില: 1,17,840 രൂപ (ഇന്ന് കുറഞ്ഞത് 1,120 രൂപ)

​ഗ്രാം വില: 14,730 രൂപ (ഇന്ന് കുറഞ്ഞത് 140 രൂപ)

​വെള്ളിയാഴ്ച രാവിലെ പവന് 720 രൂപയും ഗ്രാമിന് 90 രൂപയും കുറഞ്ഞിരുന്നു. ഇതിന് പിന്നാലെയാണ് രണ്ടാം ഘട്ടമായി ഉച്ചയ്ക്ക് ശേഷം 400 രൂപയുടെ കുറവ് കൂടി രേഖപ്പെടുത്തിയത്. ഗ്രാമിന് 50 രൂപയാണ് ഉച്ചയ്ക്ക് ശേഷം കുറഞ്ഞത്.

​അന്താരാഷ്ട്ര വിപണിയിലെ മാറ്റങ്ങളാണ് പ്രാദേശിക വിപണിയിലും പ്രതിഫലിച്ചത്. വിവാഹ സീസൺ അടുത്തുവരുന്ന സാഹചര്യത്തിൽ സ്വർണവിലയിലുണ്ടായ ഈ വൻ ഇടിവ് സാധാരണക്കാരായ ഉപഭോക്താക്കൾക്ക് വലിയ ആശ്വാസമാണ് നൽകുന്നത്. വരും ദിവസങ്ങളിലും വിലയിൽ മാറ്റങ്ങൾ ഉണ്ടായേക്കാമെന്നാണ് വിപണി വിദഗ്ധരുടെ വിലയിരുത്തൽ.