കാന്തപുരം എ.പി. അബൂബക്കർ മുസ്ലിയാർക്കെതിരെ വിവാദ പരാമർശവുമായി ഹിന്ദു ഐക്യവേദി നേതാവ് കെ.പി. ശശികല രംഗത്തെത്തി. കാന്തപുരം നയിച്ച കേരളയാത്രയെ പ്രകീർത്തിച്ച് മന്ത്രി പി. രാജീവ് പങ്കുവെച്ച ഫേസ്ബുക്ക് പോസ്റ്റിന് മറുപടിയായാണ് ശശികലയുടെ അധിക്ഷേപം.
വിവാദത്തിന്റെ പശ്ചാത്തലം: പാലക്കാട് ഒലവക്കോട് റെയിൽവേ സ്റ്റേഷനിൽ മതിയായ രേഖകളില്ലാതെ എത്തിയ കുട്ടികളെ പോലീസ് തടഞ്ഞ സംഭവത്തെ ആസ്പദമാക്കിയായിരുന്നു ശശികലയുടെ പ്രതികരണം. "സഖാവേ മൊയ്ല്യാര് മനുഷ്യർക്കൊപ്പം തന്നെയാണ്, പക്ഷേ കൂടെ മനുഷ്യക്കടത്ത് കൂടി ഉണ്ടോ എന്ന് അന്വേഷിക്കണം" എന്നായിരുന്നു ശശികല ഫേസ്ബുക്കിൽ കുറിച്ചത്.
കഴിഞ്ഞ ഞായറാഴ്ച ബിഹാറിൽ നിന്നും എത്തിയ 23 കുട്ടികളെയും രണ്ട് മുതിർന്നവരെയുമാണ് ഒലവക്കോട് റെയിൽവേ സ്റ്റേഷനിൽ വെച്ച് പോലീസ് കസ്റ്റഡിയിലെടുത്തത്.
രേഖകളുടെ അഭാവം ചൂണ്ടിക്കാട്ടി ഇവരെ ചൈൽഡ് വെൽഫെയർ കമ്മിറ്റിക്ക് കൈമാറുകയായിരുന്നു.
കോഴിക്കോട്ടെ പ്രമുഖ വിദ്യാഭ്യാസ സ്ഥാപനത്തിൽ ഹ്രസ്വകാല കോഴ്സിനായി എത്തിയവരാണ് തങ്ങളെന്നാണ് കുട്ടികൾക്കൊപ്പം ഉണ്ടായിരുന്നവർ പോലീസിനോട് വിശദീകരിച്ചത്.
മന്ത്രി പി. രാജീവിന്റെ പോസ്റ്റ്: കേരളത്തിന്റെ മതസൗഹാർദ്ദത്തെയും മനുഷ്യത്വത്തെയും ഉയർത്തിപ്പിടിക്കുന്ന ഒന്നാണ് കാന്തപുരത്തിന്റെ യാത്രയെന്നും, ജാതി-മത ഭേദമന്യേ മനുഷ്യരെ ചേർത്തുപിടിക്കുന്ന കേരളത്തിന്റെ വികാരമാണ് ഇതിൽ പ്രതിഫലിക്കുന്നതെന്നും മന്ത്രി തന്റെ പോസ്റ്റിൽ കുറിച്ചിരുന്നു. ഇതിനെതിരെയാണ് ശശികലയുടെ പരിഹാസം.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.