ജില്ലാ കേരളോത്സവം അത്‌ലറ്റിക് മത്സരങ്ങൾ സമാപിച്ചു; വ്യക്തിഗത ചാമ്പ്യന്മാരെ പ്രഖ്യാപിച്ചു

കോഴിക്കോട്: സംസ്ഥാന യുവജനക്ഷേമ ബോർഡും കോഴിക്കോട് ജില്ലാ പഞ്ചായത്തും സംയുക്തമായി സംഘടിപ്പിച്ച ജില്ലാ കേരളോത്സവത്തിലെ അത്‌ലറ്റിക് മത്സരങ്ങൾക്ക് ആവേശകരമായ സമാപനം. കോഴിക്കോട് മെഡിക്കൽ കോളേജിലെ ഒളിമ്പ്യൻ അബ്ദുറഹിമാൻ സ്റ്റേഡിയത്തിൽ വെച്ചാണ് മത്സരങ്ങൾ നടന്നത്. വിവിധ ബ്ലോക്കുകളിൽ നിന്നായി നിരവധി കായിക പ്രതിഭകൾ പങ്കെടുത്ത പോരാട്ടത്തിനൊടുവിൽ വ്യക്തിഗത ചാമ്പ്യന്മാരെ തിരഞ്ഞെടുത്തു.

വിജയികൾ ഇവർ:

വിവിധ വിഭാഗങ്ങളിലായി മികവ് തെളിയിച്ച വ്യക്തിഗത ചാമ്പ്യന്മാർ താഴെ പറയുന്നവരാണ്:

പുരുഷ വിഭാഗം: എൻ.പി. പ്രനുൽ (പേരാമ്പ്ര ബ്ലോക്ക്)

വനിതാ വിഭാഗം: പി.പി. ഷഹാന (കുന്ദമംഗലം ബ്ലോക്ക്)

സീനിയർ ബോയ്സ്: പി. അമർജിത്ത് (കുന്ദമംഗലം ബ്ലോക്ക്)

സീനിയർ ഗേൾസ്: സർഗ സുരേഷ് (കുന്നുമ്മൽ ബ്ലോക്ക്)

സമാപന ചടങ്ങ്

വിജയികൾക്കുള്ള സമ്മാനദാനവും സമാപന സമ്മേളനവും ജില്ലാ പഞ്ചായത്ത് വൈസ് പ്രസിഡന്റ് കെ.കെ. നവാസ് ഉദ്ഘാടനം ചെയ്തു. ബാലുശ്ശേരി ബ്ലോക്ക് പഞ്ചായത്ത് പ്രസിഡന്റ് ഇസ്മയിൽ കുറുമ്പൊയിൽ ചടങ്ങിൽ അധ്യക്ഷത വഹിച്ചു.

ബാലുശ്ശേരി ബ്ലോക്ക് പഞ്ചായത്ത് അംഗം ടി. സരുൺ, ജില്ലാ യൂത്ത് കോഓഡിനേറ്റർ സുമേഷ്, ജില്ലാ പഞ്ചായത്ത് സെക്രട്ടറി ഇൻചാർജ് അബ്ദുൽ മുനീർ, ജില്ലാ അത്‌ലറ്റിക് അസോസിയേഷൻ സെക്രട്ടറി ജോസഫ്, ജില്ലാ യൂത്ത് പ്രോഗ്രാം ഓഫീസർ വിനോദൻ പൃത്തിയിൽ എന്നിവർ സമാപന ചടങ്ങിൽ സംസാരിച്ചു.