ഗുജറാത്തിൽ കുടിവെള്ളത്തിൽ മലിനജലം കലർന്ന് രണ്ടു കുട്ടികൾ മരിച്ചു 150-ഓളം ആളുകൾ വിവിധ ആശുപത്രികളിൽ സംഭവം അമിത്ഷായുടെ മണ്ഡലത്തിൽ

'

ഗാന്ധിനഗർ: ഗുജറാത്തിലെ ഗാന്ധിനഗറിൽ കുടിവെള്ളത്തിൽ മാലിന്യം കലർന്നതിനെത്തുടർന്നുണ്ടായ ആരോഗ്യപ്രശ്നങ്ങളാൽ രണ്ട് കുട്ടികൾ മരിച്ചു. ടൈഫോയിഡ് ബാധിച്ചതാണ് മരണകാരണമെന്നാണ് പ്രാഥമിക നിഗമനം. നിലവിൽ 150-ഓളം ആളുകൾ വിവിധ ആശുപത്രികളിൽ ചികിത്സ തേടിയിട്ടുണ്ട്. ഇതിൽ 50 പേർക്ക് ടൈഫോയിഡ് സ്ഥിരീകരിച്ചിട്ടുണ്ട് എന്നത് സ്ഥിതിഗതികളുടെ ഗൗരവം വർദ്ധിപ്പിക്കുന്നു.

 സെക്ടർ 24, 28, അദിവഡ മേഖലകളിലാണ് പ്രധാനമായും കുടിവെള്ള പൈപ്പുകൾ പൊട്ടി മലിനജലം കലർന്നത്.

 അടിയന്തര നടപടി: പ്രദേശം സന്ദർശിച്ച ആഭ്യന്തരമന്ത്രിയും പ്രാദേശിക എം.പിയുമായ അമിത് ഷാ, തകരാറിലായ പൈപ്പ് ലൈനുകൾ യുദ്ധകാലാടിസ്ഥാനത്തിൽ നന്നാക്കാൻ ഉദ്യോഗസ്ഥർക്ക് നിർദ്ദേശം നൽകി.

 കഴിഞ്ഞ ആഴ്ച മധ്യപ്രദേശിലെ ഇന്ദോറിലും സമാനമായ രീതിയിൽ കുടിവെള്ളം മലിനമായതിനെത്തുടർന്ന് 14 പേർ മരിക്കുകയും ആയിരത്തോളം പേർ രോഗബാധിതരാവുകയും ചെയ്തിരുന്നു