യുവതികിണറ്റിൽ ചാടി രക്ഷപ്പെടുത്തുന്നതിനിടെ കിണർ ഇടിഞ്ഞു; ഫയർമാൻ ഉൾപ്പെടെ മൂന്നുപേർ മരിച്ചു

കൊല്ലം: കിണറ്റിൽ ചാടിയ യുവതിയെ രക്ഷിക്കാൻ ശ്രമിച്ച കിണർ ഇടിഞ്ഞ് ഫയർമാൻ ഉൾപ്പെടെ മൂന്നു പേർ മരിച്ചു. കൊട്ടാരക്കര ആനക്കോട്ടൂർ മുണ്ടുപാറയിലാണ് അതിദാരുണമായ അപകടം നടന്നത് കൊട്ടാരക്കര ഫയർ സ്റ്റേഷനിലെ ഫയർമാൻ ആറ്റിങ്ങൽ സ്വദേശി സോണി എസ് കുമാർ(38), മുണ്ടുപാറ വിഷ്ണു വിലാസം വീട്ടിൽ അർച്ചന (33), കൂടെ താമസിച്ചിരുന്ന ആൺസുഹൃത്ത് ശിവകൃഷ്ണൻ(23) എന്നിവരാണ് മരിച്ചത്.

അർച്ചനയെ കിണറ്റിൽ നിന്നും രക്ഷപ്പെടുത്താൻ ശ്രമിക്കുമ്പോഴാണ് സോണിയുടെ മേൽ ചുറ്റുമതിൽ ഇടിഞ്ഞു വീണത്. കരയ്ക്ക് നിന്ന ശിവകൃഷ്ണനും കിണറ്റിലേക്ക് വീണു. നാല് മണിക്കൂർ നീണ്ട പരിശ്രമത്തിന് ശേഷമാണ് മൃതദേഹങ്ങൾ പുറത്തെടുത്തത്.അർച്ചനയും ശിവ കൃഷ്ണനും തമ്മിൽ വാക്കേറ്റം ഉണ്ടായതായും ഇയാൾ മദ്യലഹരിയിൽ ആയിരുന്നു സമീപവാസികൾ പറയുന്നു കിണറ്റിന്റെ കുറുകയുള്ള വെള്ളം എടുക്കാൻ ഉപയോഗിക്കുന്ന പൈപ്പ് തകർന്നാണ് കിണറിന്റെ ചുറ്റുമതിൽ താഴേക്ക് വീണു അതോടൊപ്പം മുകളിൽ ഉണ്ടായിരുന്ന ശിവ കൃഷ്ണനും താഴേക്ക് പതിച്ചു ഇതോടെയാണ് മൂന്നു പേരും മരണപ്പെടാൻ കാരണമായതെന്ന് പറയുന്നു