നിർധനർക്ക് ഓണക്കോടിയും ഓണക്കിറ്റും വിതരണം ചെയ്തു

പയ്യോളി: ശാന്തി പെയിൻ & പാലിയേറ്റീവ് കേന്ദ്രത്തിന്റെ നേതൃത്വത്തിൽ പ്രദേശത്തെ നിർധനർക്കും പാലിയേറ്റീവ് പരിചരണം ലഭിക്കുന്നവർക്കുമായി ഓണക്കോടിയും ഓണക്കിറ്റും വിതരണം ചെയ്തു.

ഓണത്തിന്റെ സന്തോഷം സമൂഹത്തിലെ അർഹരായവരിലേക്കും എത്തിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. സാമ്പത്തികമായി പിന്നാക്കം നിൽക്കുന്ന കുടുംബങ്ങൾക്കും രോഗികൾക്കും ഓണക്കോടിയും ആവശ്യസാധനങ്ങളടങ്ങിയ ഓണക്കിറ്റുമാണ് വിതരണം ചെയ്തത്

പരിപാടിയിൽ ശാന്തി പെയിൻ ആൻഡ് പാലിയേറ്റീവ് പ്രവർത്തകരും സന്നദ്ധ പ്രവർത്തകരും പങ്കെടുത്തു. അർഹരായവരുടെ ജീവിതത്തിൽ ഓണത്തിന്റെ സന്തോഷം പകരാൻ ഇത്തരം കാരുണ്യ പ്രവർത്തനങ്ങൾ ഏറെ സഹായകരമാണെന്ന് സംഘാടകർ പറഞ്ഞു.