വടകര ടൗണിൽ നാളെ ഗതാഗത നിയന്ത്രണം

 

വടകര: സീനിയർ സിറ്റിസൺസ് മീറ്റിംഗും തൂഫാൻ കെയർ ഡിക്ലറേഷൻ പ്രോഗ്രാമും നടക്കുന്നതിനാൽ വടകര ടൗണിൽ ഉച്ചയ്ക്ക് 2 മണി മുതൽ വൈകുന്നേരം 6 മണി വരെ ഗതാഗത നിയന്ത്രണം ഏർപ്പെടുത്തുമെന്ന് അധികൃതർ അറിയിച്ചു.

പ്രധാന ഗതാഗത നിർദ്ദേശങ്ങൾ:

• തലശ്ശേരി, നാദാപുരം, കുറ്റ്യാടി ഭാഗത്തുനിന്ന് വരുന്ന ബസ്സുകളും മറ്റ് വാഹനങ്ങളും പെരുവാട്ടുംതാഴെ വഴി എൻഎച്ച് സർവീസ് റോഡിലൂടെ പുതിയ സ്റ്റാൻഡ് ഭാഗത്തേക്ക് പോകേണ്ടതാണ്.

• വില്ല്യാപ്പള്ളി, മേമുണ്ട, ആയഞ്ചേരി ഭാഗത്തുനിന്ന് വരുന്ന ബസ്സുകൾ പുതിയ സ്റ്റാൻഡിൽ പോവുകയും അവിടെ നിന്ന് സർവീസ് നടത്തേണ്ടതുമാണ്.

• താഴെയങ്ങാടി ഭാഗത്ത് നിന്ന് വരുന്ന വാഹനങ്ങൾ പെരുവാട്ടുംതാഴെ ഭാഗത്തേക്ക് പോകേണ്ടതാണ്.

• കരിമ്പന പാലം ഭാഗത്തുനിന്ന് വരുന്ന വാഹനങ്ങൾ എൻഎച്ച് സർവീസ് റോഡിലൂടെയും, അല്ലാത്തവർ എടോടി നിന്ന് പുതിയ സ്റ്റാൻഡ് ഭാഗത്തേക്ക് തിരിഞ്ഞു പോകേണ്ടതുമാണ്.

• കൊയിലാണ്ടി, പയ്യോളി, പേരാമ്പ്ര ഭാഗങ്ങളിൽ നിന്ന് വരുന്ന ബസ്സുകൾ പുതിയ സ്റ്റാൻഡിൽ വരികയും അവിടെനിന്ന് സർവീസ് നടത്തേണ്ടതുമാണ്.

• പരിപാടി നടക്കുന്ന സമയത്ത് എടോടി ജംഗ്ഷൻ മുതൽ താഴെയങ്ങാടി ജംഗ്ഷൻ വരെയും മാർക്കറ്റ് റോഡിലും യാതൊരുവിധ ഗതാഗതവും അനുവദിക്കുന്നതല്ല.

പാർക്കിംഗ് സൗകര്യം

വടകര ഭഗവതി കോട്ടക്കൽ ക്ഷേത്രപരിസരത്തും കോട്ടപ്പറമ്പിലും വാഹനങ്ങൾ പാർക്ക് ചെയ്യാവുന്നതാണെന്ന് ട്രാഫിക് പോലീസ് അറിയിച്ചു