ഇറാൻ അനുസരിച്ചില്ലെങ്കിൽ യുദ്ധം'; സമാധാന കരാർ താൽക്കാലിക ധാരണ മാത്രമെന്ന് ഡൊണാൾഡ് ട്രംപ്

​

വാഷിങ്ടൺ: അമേരിക്ക - ഇറാൻ സമാധാന കരാർ യാഥാർത്ഥ്യമായെന്ന് ഔദ്യോഗികമായി സ്ഥിരീകരിച്ച് യുഎസ് പ്രസിഡൻ്റ് ഡൊണാൾഡ് ട്രംപ്. ഫ്രാൻസിൽ വെച്ചാണ് ഇരു രാജ്യങ്ങളും തമ്മിലുള്ള കരാറിൽ ഒപ്പുവെച്ചത്. എന്നാൽ, ഇതൊരു താൽക്കാലിക ധാരണ മാത്രമാണെന്നും ഇറാൻ കൃത്യമായി പെരുമാറിയില്ലെങ്കിൽ വീണ്ടും സൈനിക ആക്രമണം നടത്തുമെന്നും ട്രംപ് മുന്നറിയിപ്പ് നൽകി.

​ഇറാനുമായി ഒപ്പുവെക്കുന്നത് അന്തിമ കരാറല്ലെന്നും കേവലം ഒരു ധാരണാപത്രം (MoU) മാത്രമാണെന്നും ട്രംപ് ചൂണ്ടിക്കാട്ടി. കരാർ വ്യവസ്ഥകൾ ഇറാൻ അനുസരിച്ചില്ലെങ്കിൽ യുദ്ധം പുനരാരംഭിക്കുമെന്നാണ് യുഎസ് പ്രസിഡൻ്റിൻ്റെ ഭീഷണി.

​ഫ്രാൻസിലെ എവിയനിൽ നടക്കുന്ന ജി7 (G7) ഉച്ചകോടിക്കിടെ ഈജിപ്തുമായി നടത്തിയ ഉഭയകക്ഷി ചർച്ചയ്ക്ക് ശേഷമുള്ള വാർത്താസമ്മേളനത്തിലാണ് ട്രംപ് ഇക്കാര്യം വ്യക്തമാക്കിയത്. മാസങ്ങൾ നീണ്ട ആഗോള സംഘർഷം അവസാനിപ്പിക്കാനായി യുഎസും ഇറാനും ചേർന്ന് സമാധാന കരാറിൽ ഒപ്പുവെക്കാൻ വെറും 48 മണിക്കൂർ മാത്രം ശേഷിക്കെയാണ് ട്രംപിന്റെ ഈ നിർണ്ണായക പ്രതികരണം പുറത്തുവന്നിരിക്കുന്നത്.