രാജ്യത്ത് വാണിജ്യ പാചകവാതക വില വീണ്ടും കൂട്ടി; സിലിണ്ടറിന് 42 രൂപ വർദ്ധിച്ചു,

ന്യൂഡൽഹി: രാജ്യത്ത് വാണിജ്യ ആവശ്യങ്ങൾക്കുള്ള പാചകവാതക സിലിണ്ടറുകളുടെ വില വീണ്ടും വർദ്ധിപ്പിച്ചു. 19 കിലോഗ്രാം ഭാരമുള്ള വാണിജ്യ സിലിണ്ടറുകളുടെ വിലയിൽ 42 രൂപയുടെ വർദ്ധനവാണ് വരുത്തിയിട്ടുള്ളത്. പുതുക്കിയ നിരക്കുകൾ ഇന്ന് (ജൂൺ 1, തിങ്കളാഴ്ച) മുതൽ പ്രാബല്യത്തിൽ വന്നു. അതേസമയം, സാധാരണക്കാർ ഉപയോഗിക്കുന്ന ഗാർഹിക സിലിണ്ടറുകളുടെ വിലയിൽ മാറ്റമൊന്നും വരുത്തിയിട്ടില്ല എന്നത് ആശ്വാസകരമാണ്.

വില വർദ്ധനവോടെ ഡൽഹിയിൽ വാണിജ്യ സിലിണ്ടറിന്റെ പുതിയ നിരക്ക് 3,113.50 രൂപയായി ഉയർന്നു. കൊൽക്കത്തയിൽ 53.50 രൂപയാണ് വർദ്ധിപ്പിച്ചത്; ഇതോടെ അവിടെ പുതിയ വില 3,255.50 രൂപയായി. മുൻപ് മേയ് മാസത്തിന്റെ തുടക്കത്തിലും വാണിജ്യ സിലിണ്ടറുകൾക്ക് വലിയ തോതിൽ വില കൂട്ടിയിരുന്നു. അന്ന് ഒറ്റയടിക്ക് 993 രൂപയുടെ വർദ്ധനവാണ് രേഖപ്പെടുത്തിയിരുന്നത്. ഇതിന് പിന്നാലെയാണ് ഇപ്പോൾ വീണ്ടും വില ഉയർത്തിയിരിക്കുന്നത്.