എസ്.എസ്.എൽ.സി ഫലം മേയ് 15-ന്; അനിശ്ചിതത്വം നീങ്ങി

​തിരുവനന്തപുരം: കേരളത്തിൽ പുതിയ സർക്കാർ അധികാരമേൽക്കുന്നതിലെ കാലതാമസം മൂലം അനിശ്ചിതത്വത്തിലായിരുന്ന എസ്.എസ്.എൽ.സി പരീക്ഷാഫലം മേയ് 15 വെള്ളിയാഴ്ച പ്രസിദ്ധീകരിക്കും. ഫലം വൈകുന്നത് വിദ്യാർഥികളുടെ ഉപരിപഠനത്തെ ബാധിക്കുമെന്ന ആശങ്ക പരിഗണിച്ചാണ് പൊതുവിദ്യാഭ്യാസ വകുപ്പിന്റെ ഈ തീരുമാനം.

​ഫലപ്രഖ്യാപനത്തിനുള്ള ഒരുക്കങ്ങൾ വേഗത്തിലാക്കാൻ പൊതുവിദ്യാഭ്യാസ ഡയറക്ടർ എൻ.എസ്.കെ. ഉമേഷ് നിർദ്ദേശം നൽകി. നിലവിൽ വിദ്യാഭ്യാസ മന്ത്രി ഇല്ലാത്ത സാഹചര്യത്തിൽ, ചീഫ് സെക്രട്ടറിയോ പൊതുവിദ്യാഭ്യാസ ഡയറക്ടറോ ആയിരിക്കും ഫലം പ്രഖ്യാപിക്കുക.