​ കണ്ണൂരിൽ കണ്ണുരുട്ടി : ഹൈക്കമാൻഡ് വഴങ്ങി - കൈവിടാതെ കെ സുധാകരൻ

​

കണ്ണൂർ: നിയമസഭാ തിരഞ്ഞെടുപ്പിൽ സിറ്റിംഗ് എം.പിമാർ മത്സരിക്കേണ്ടതില്ലെന്ന കർശന നിർദ്ദേശം തിരുത്തി ഹൈക്കമാൻഡ്. കെ. സുധാകരന്റെ കടുത്ത നിലപാടിന് മുന്നിൽ കോൺഗ്രസ് നേതൃത്വം വഴങ്ങിയതോടെ കണ്ണൂരിൽ സുധാകരൻ തന്നെ സ്ഥാനാർത്ഥിയാകുമെന്ന് ഉറപ്പായി. സുധാകരൻ സ്വതന്ത്രനായി മത്സരിച്ചേക്കുമെന്ന റിപ്പോർട്ടുകൾക്ക് പിന്നാലെയാണ് പാർട്ടി ഈ വിട്ടുവീഴ്ചയ്ക്ക് തയ്യാറായത്.

​എ.ഐ.സി.സി ജനറൽ സെക്രട്ടറി കെ.സി. വേണുഗോപാലിനെ ഫോണിൽ വിളിച്ച് സുധാകരൻ തന്റെ നിലപാട് വ്യക്തമാക്കിയതായാണ് വിവരം. "നിങ്ങൾ നിങ്ങളുടെ വഴിക്ക് നടക്ക്, ഞാൻ എന്റെ വഴിക്ക് നടക്കാം" എന്ന സുധാകരന്റെ കർശനമായ വാക്കുകൾ നേതൃത്വത്തെ പ്രതിരോധത്തിലാക്കി.

​കോൺഗ്രസ് അധ്യക്ഷൻ മല്ലികാർജുൻ ഖർഗെയുടെ നേതൃത്വത്തിലാണ് എം.പിമാർ നിയമസഭയിലേക്ക് മത്സരിക്കേണ്ടതില്ലെന്ന പ്രാഥമിക തീരുമാനമെടുത്തത്. ഇതോടെ കെ. സുധാകരൻ, അടൂർ പ്രകാശ് എന്നിവരുടെ സ്ഥാനാർത്ഥിത്വത്തിൽ അനിശ്ചിതത്വം നിലനിന്നിരുന്നു. എന്നാൽ കണ്ണൂരിലെ പ്രത്യേക രാഷ്ട്രീയ സാഹചര്യം കണക്കിലെടുത്ത് സുധാകരനെ പിന്തുണയ്ക്കാൻ ഒടുവിൽ പാർട്ടി തീരുമാനിക്കുകയായിരുന്നു