പറശിനിക്കടവിൽ ലോഡ്ജ് മുറിയിൽ സ്ത്രീ മരിച്ച നിലയിൽ; കൊലപാതകമെന്ന് സംശയം, കൂടെയുണ്ടായിരുന്നയാൾക്കായി തിരച്ചിൽ

​തളിപ്പറമ്പ്: പറശിനിക്കടവിലെ സ്വകാര്യ ലോഡ്ജിൽ സ്ത്രീയെ മരിച്ച നിലയിൽ കണ്ടെത്തി. ചെറുകുന്ന് അയ്യോത്ത് സ്വദേശിനിയായ സ്ത്രീയെയാണ് ബുധനാഴ്ച  രാത്രി ഒൻപത് മണിയോടെ മരിച്ച നിലയിൽ കണ്ടെത്തിയത്. സംഭവത്തിൽ കൊലപാതക സാധ്യതയുണ്ടെന്ന് പോലീസ് സംശയിക്കുന്നു.

പറശിനിക്കടവ് 'സമ്മർലാൻഡ് ഇൻ' ലോഡ്ജിലെ 602-ാം നമ്പർ മുറിയിലാണ് മൃതദേഹം കാണപ്പെട്ടത്.

​ അയ്യോത്ത് സ്വദേശിയായ വിജയൻ (കടേൽപറമ്പിൽ വീട്) എന്നയാൾക്കൊപ്പമാണ് സ്ത്രീ ലോഡ്ജിൽ മുറിയെടുത്തത്.

​അന്വേഷണം: മരണവിവരം പുറത്തുവന്നതിന് പിന്നാലെ കൂടെയുണ്ടായിരുന്ന വിജയനെ കാണാതായിട്ടുണ്ട്. ഇയാൾക്കായി പോലീസ് തിരച്ചിൽ ഊർജ്ജിതമാക്കി.

 രാവിലെ ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്‌മോർട്ടത്തിനായി മാറ്റും. സംഭവത്തിൽ തളിപ്പറമ്പ് പോലീസ് കേസെടുത്ത് വിശദമായ അന്വേഷണം ആരംഭിച്ചിട്ടുണ്ട്