കാണാതായ ആറു വയസ്സുകാരന്റെ മൃതദേഹം കണ്ടെത്തി.

പാലക്കാട്: പാലക്കാട് ചിറ്റൂരിൽ നിന്നും കാണാതായ ആറു വയസ്സുകാരന്റെ മൃതദേഹം കണ്ടെത്തി. അമ്പാട്ടുപാളയം എരുമൻകോട് മുഹമ്മദ് അനസ്– തൗഹിത ദമ്പതികളുടെ ഇളയമകൻ സുഹാൻ ആണ് മരിച്ചത്. ശനിയാഴ്ച ഉച്ചയോടെയാണ്  കാണാതാകുന്നത്

21 മണിക്കൂര്‍ നീണ്ട തെരച്ചിലിനൊടുവിലാണ് കുട്ടിയുടെ മൃതദേഹം കണ്ടെത്തിയത്.  വീട്ടില്‍ നിന്ന് 100 മീറ്റര്‍ ദൂരെയുള്ള കുളത്തില്‍ മൃതദേഹം പൊങ്ങി കിടക്കുന്ന നിലയിലായിരുന്നു

മൃതദേഹം പാലക്കാട്‌ ജില്ലാ ആശുപത്രിയിലേക്ക് മാറ്റി.   സംസാരിക്കാൻ ബുദ്ധിമുട്ടുള്ള കുട്ടിയാണ്. കൂട്ടുകാരുമൊത്ത് കളിക്കുന്നതിനിടെ പിണങ്ങി ഇറങ്ങിപ്പോയതാണെന്നാണ് അറിയുന്നത്.