ഇന്ന് നിശബ്ദ പ്രചാരണം : വടക്കന്‍ കേരളം പോളിങ് ബൂത്തിലെത്താൻ ഇനി മണിക്കൂറുകൾ

കോഴിക്കോട് : വടക്കന്‍ കേരളം  പോളിങ് ബൂത്തിലെത്താൻ ഇനി മണിക്കൂറുകൾ നാളെ തിരഞ്ഞെടുപ്പ് നടക്കുന്ന തൃശൂര്‍ മുതല്‍ കാസര്‍കോഡ് വരെയുള്ള ജില്ലകളില്‍ ഇന്ന് നിശബ്ദ പ്രചാരണത്തിന്റെ സമയമാണ്. പരമാവധി വോട്ടർമാരെ നേരില്‍ കണ്ട് ഒരിക്കല്‍ക്കൂടി വോട്ടുറപ്പിക്കാനുള്ള അവസാനഘട്ട ഓട്ടത്തിലാകും മുന്നണികൾ .  മണിക്കൂറുകൾക്കുള്ളിൽ തന്ത്രങ്ങൾ മെനഞ്ഞ് വോട്ടുകൾ തങ്ങളുടെ പെട്ടിയിലാക്കാൻ ഉള്ള അവസാന ശ്രമത്തിലാണ് നേതാക്കും അണികളും

ഇന്നലെ കൊട്ടിക്കലാശത്തിനിടെ അനിഷ്ട സംഭവങ്ങള്‍ ഉണ്ടായ സാഹചര്യത്തില്‍ പൊലീസ് സുരക്ഷ ശക്തമാക്കിയിരിക്കുകയാണ്. ഏഴ് ജില്ലകളിലെ വോട്ടിങ് യന്ത്രങ്ങളുടെ വിതരണം ഇന്ന് നടക്കും. രാവിലെ എട്ട് മുതല്‍ വിവിധ കേന്ദ്രങ്ങളിലായിരിക്കും വോട്ടിങ് യന്ത്രങ്ങളുടെ വിതരണം നടക്കുന്നത്