ക്രിസ്മസും പുതുവത്സരവും പ്രമാണിച്ച് സംസ്ഥാനത്തെ ക്ഷേമ പെൻഷൻ വിതരണം നേരത്തെയാക്കാൻ ധനവകുപ്പ് ഉത്തരവിറക്കി. ഈ മാസം 15 മുതൽ ഗുണഭോക്താക്കൾക്ക് തുക വിതരണം ചെയ്തു തുടങ്ങും. വർധിപ്പിച്ച നിരക്കായ 2000 രൂപ വീതമാണ് 62 ലക്ഷത്തോളം പേർക്ക് ലഭിക്കുക. വിതരണത്തിനായി ധനകാര്യ മന്ത്രി കെ.എൻ. ബാലഗോപാൽ 1045 കോടി രൂപ അനുവദിച്ചു. നേരത്തെ ഒരു മാസത്തെ പെൻഷന് ഏകദേശം 900 കോടി രൂപയായിരുന്നു ആവശ്യം. എന്നാൽ, പെൻഷൻ തുകയിൽ 400 രൂപയുടെ വർദ്ധനവ് വന്നതോടെ നിലവിൽ ഏകദേശം 1050 കോടി രൂപയാണ് ആവശ്യമായി വരുന്നത്. 62 ലക്ഷം ഗുണഭോക്താക്കളിൽ 26.62 ലക്ഷം പേർക്ക് തുക ബാങ്ക് അക്കൗണ്ടുകൾ വഴി ലഭിക്കും. ബാക്കിയുള്ളവർക്ക് സഹകരണ ബാങ്കുകൾ വഴി പെൻഷൻ വീട്ടിലെത്തിച്ച് കൈമാറും. കൂടാതെ, 8.46 ലക്ഷം പേർക്കുള്ള കേന്ദ്ര വിഹിതവും സംസ്ഥാന സർക്കാർ മുൻകൂറായി അനുവദിച്ചിട്ടുണ്ട്. ഒമ്പതര വർഷത്തെ എൽഡിഎഫ് ഭരണത്തിൽ പെൻഷൻ വിതരണത്തിനായി ആകെ 80,671 കോടി രൂപയാണ് സർക്കാർ ചെലവഴിച്ചത്.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.