പെരുമ പയ്യോളി രക്തദാന ക്യാമ്പ് സംഘടിപ്പിച്ചു

.

രക്തദാനം മഹാദാനം എന്ന ക്യാപ്ഷനോട് കൂടി ദേശീയ ദിനത്തോടനുബന്ധിച്ച് ബ്ലഡ്‌ ഡോണെഴ്സ് കേരളയുമായി ചേർന്ന് കൊണ്ട് നടത്തിയ രക്ത ദാന ക്യാമ്പ് പങ്കാളിത്തം കൊണ്ട് ശ്രദ്ധേയമായി. പ്രസിഡന്റ് സുനിൽ പാറെമ്മൽ, സെക്രട്ടറി ഷാമിൽ മൊയ്‌ദീൻ, ട്രഷറർ മൊയ്‌ദീൻ പട്ടായി എന്നിവർ നേതൃത്വം നൽകിയ ക്യാമ്പ് വൈസ് പ്രസിഡന്റും രക്‌ത ദാനക്യാമ്പ് കോർഡിനേറ്ററുമായ ഷംസീർ പയ്യോളി പരിപാടി നിയന്ത്രിച്ചു ഏകദേശം 60 ലേറെ പേർ പങ്കെടുത്ത ക്യാമ്പ് വൻ വിജയമാണെന്ന് ശേഷം നടന്ന ചടങ്ങിൽ ബ്ലഡ്‌ ഡോണെഴ്സ് കേരളയുടെ പ്രതിനിധിയായ പ്രയാഗ് പേരാമ്പ്ര അഭിപ്രായപ്പെട്ടു. ഹോം FM RJ അക്ഷയ് ആശംസ പ്രസംഗം നടത്തുകയും പെരുമയുടെ ഇത്തരം മഹത്തായ പ്രവർത്തനങ്ങൾ ഇനിയും നടത്തണമെന്നും അഭിപ്രായപ്പെട്ടു, ആർജെ ദിവ്യയും കൂടെ ചേർന്ന് കൊണ്ട് ആശംസകൾ അറിയിച്ചു. രക്ഷാധികാരിയായ പ്രമോദ് പിവി, മറ്റു

ഭാരവാഹികളായ വേണു പുതുക്കുടി, ഹർഷാദ് പികെസി, സതീഷ് പള്ളിക്കര, നൗഷർ ആരണ്യ, കനകൻ എന്നിവരും മറ്റു എക്സിക്യൂട്ടീവ് അംഗങ്ങളും പെരുമ മെമ്പർമാരും ക്യാമ്പിന്റെ അവസാനം വരെ കൂടെ ചേർന്ന് നിന്നു. ഏറ്റവും ഹൈ ലൈറ്റ് ആയത് DHA ഹെഡ് കോർട്ടേയ്‌സിൽ നടന്ന രക്തദാന ക്യാമ്പിലെ ഏറ്റവും വലിയ ഗ്രൂപ്പ്‌ നമ്മുടേത് ആയിരുന്നു എന്നതാണ്. ക്യാമ്പിന്റെ ഒടുവിൽ എല്ലാവരെയും അണി നിരത്തി കൊണ്ട് ഹോം FM ഇൻസ്റ്റഗ്രാം പേജിൽ ലൈവ് സ്ട്രീം പോവുകയും പെരുമയെ ലോകത്തിന് മുന്നിൽ അറിയപ്പെടുത്തുകയും ചെയ്തു എന്നത് മറ്റൊരു സവിശേഷതയാണ്.

ഈയൊരു രക്ത ദാന ക്യാമ്പിൽ പങ്കെടുത്ത മുഴുവൻ ആളുകൾക്കും പെരുമയുടെ കമ്മിറ്റിയുടെ പേരിൽ നന്ദി അറിയിക്കുന്നു.