രാഹുൽ മാങ്കൂട്ടത്തിൽ എംഎൽഎ സ്ഥാനം രാജിവെക്കണം: മന്ത്രി വി. ശിവൻകുട്ടി

 

തിരുവനന്തപുരം: കോൺഗ്രസ് എംഎൽഎയായ രാഹുൽ മാങ്കൂട്ടത്തിൽ തനിക്ക് അന്തസ്സും മാന്യതയുമുണ്ടെങ്കിൽ എംഎൽഎ സ്ഥാനം രാജിവെക്കാൻ തയ്യാറാകണമെന്ന് വിദ്യാഭ്യാസ തൊഴിൽ മന്ത്രി വി. ശിവൻകുട്ടി ആവശ്യപ്പെട്ടു. എന്നാൽ, രാഹുലിന് ഈ ഗുണങ്ങൾ ഇല്ലെന്ന് തനിക്കറിയാമെന്നും അദ്ദേഹം കൂട്ടിച്ചേർത്തു. പുറത്തുവന്ന ടെലിഫോൺ സംഭാഷണങ്ങളിൽനിന്ന് വളരെ ഗൗരവകരമായ വിവരങ്ങളാണ് ലഭിക്കുന്നത്.കോൺഗ്രസ് നേതാക്കൾ ഇപ്പോഴും രാഹുൽ മാങ്കൂട്ടത്തിലിന് പരസ്യമായി പിന്തുണ നൽകുന്നത്, കേരളത്തിലെ ജനങ്ങളോടുള്ള, പ്രത്യേകിച്ച് സ്ത്രീകളോടുള്ള, ഒരു വെല്ലുവിളിയാണോ എന്ന് അദ്ദേഹം ചോദിച്ചു. പൊതുസമൂഹത്തോടുള്ള കോൺഗ്രസിന്റെ സമീപനം ഇതാണോ എന്നതിനെക്കുറിച്ച് സജീവമായ ചർച്ച നടക്കുകയാണെന്നും മന്ത്രി അഭിപ്രായപ്പെട്ടു.