ദേശീയപാതയിൽ കൊയിലാണ്ടിയിലെ ആർടി ഓഫീസിനടുത്ത് വെച്ച് ഇന്ന് രാവിലെ 6:15 ഓടെയുണ്ടായ വാഹനാപകടത്തിൽ മൂന്ന് പേർക്ക് പരിക്കേറ്റു. ഒരു പാർസൽ ലോറിയും കാറും തമ്മിലാണ് കൂട്ടിയിടിച്ചത്. പരിക്കേറ്റവരെ ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. ഇവരുടെ പരിക്ക് ഗുരുതരമാണെന്നാണ് വിവരം.
പരിക്കേറ്റവർ:
രമണി (55)ഓമന (50)ശരിൻ (30)
ഇവർ മൂന്ന് പേരും കണ്ണൂർ മട്ടന്നൂർ സ്വദേശികളാണ്.
കോഴിക്കോട് ഭാഗത്തേക്ക് പോവുകയായിരുന്ന കാറും (രജിസ്ട്രേഷൻ നമ്പർ: KL 07 BR 0803), കണ്ണൂരിലേക്ക് പോവുകയായിരുന്ന ലോറിയുമാണ് (രജിസ്ട്രേഷൻ നമ്പർ: KL 11 BM 5309) അപകടത്തിൽപ്പെട്ടത്.
കൂട്ടിയിടിയുടെ ശക്തിയിൽ കാർ ലോറിയുടെ മുൻഭാഗത്ത് കുടുങ്ങുകയായിരുന്നു. തുടർന്ന്, കൊയിലാണ്ടിയിൽ നിന്നെത്തിയ അഗ്നി രക്ഷാ സേനയുടെ സഹായത്തോടെയാണ് കാർ വേർപെടുത്തിയത്. അപകടത്തിൽ വാഹനങ്ങളുടെ മുൻഭാഗം പൂർണ്ണമായും തകർന്നു.
അപകടത്തെത്തുടർന്ന് ദേശീയപാതയിൽ ഗതാഗത തടസ്സമുണ്ടായി. കൊയിലാണ്ടി പോലീസ് സ്ഥലത്തെത്തി തുടർനടപടികൾ സ്വീകരിച്ചു.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.