ചരക്ക് ലോറികൾ തമ്മിൽ കൂട്ടിയിടിച്ച് അപകടം

കൊയിലാണ്ടി പാലക്കുളം ചരക്ക് ലോറികൾ തമ്മിൽ കൂട്ടിയിടിച്ച് അപകടം.

 ഇന്ന് പുലർച്ചെ രണ്ടരയോടെ കൂടിയാണ് കൊയിലാണ്ടി പാലക്കുളം ദേശീയപാതയിൽ രണ്ടു ചരക്ക് ലോറികളും ഒരു മീൻ വണ്ടിയും തമ്മിൽ കൂട്ടിയിടിച്ചത്.

 ക്യാബിനിൽ ആൾ കുടുങ്ങി എന്ന വിവരം കിട്ടിയതിന് തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന എത്തുമ്പോൾ കോഴിക്കോട് ഭാഗത്തേക്ക് പോകുന്ന ചരക്ക് ലോറിയുടെ കേബിനിൽ രാജസ്ഥാൻ സ്വദേശിയായ ഡ്രൈവറുടെ കാൽ കുടുങ്ങിക്കിടക്കുകയായിരുന്നു.

ശേഷം സേന ഹൈഡ്രോളിക് കട്ടർ ഉപയോഗിച്ച് ക്യാബിൻ ഡോർ മുറിച്ചുമാറ്റി ഇദ്ദേഹത്തെ സുരക്ഷിതമായി പുറത്തെടുത്തു.

 ശേഷം കൊയിലാണ്ടി ഗവൺമെന്റ് ഹോസ്പിറ്റലിൽ എത്തിച്ചു.

 രണ്ടു ചരക്ക് ലോറികളിലും ഡീസൽ ടാങ്ക് പൊട്ടി മുഴുവനും റോഡിൽ പരന്നിരുന്നു.

 ക്രെയിനിന്റെ സഹായത്തോടുകൂടി അപകടത്തിൽപ്പെട്ട ലോറി വശങ്ങളിലേക്ക് മാറ്റുകയും റോഡിൽ പരന്ന ഡീസൽ വെള്ളം സേന ഉപയോഗിച്ച് കഴുകുകയും ചെയ്തു.

 സീനിയർ ഫയർ ആൻഡ് റെസ്ക്യൂ ഓഫീസർ അനൂപ് ബി കെ യുടെ നേതൃത്വത്തിൽ ഫയർ ആൻഡ് റസ്ക്യു ഓഫീസർമാരായ ഹേമന്ത് ബി, നിധിപ്രസാദി ഇ എം, ലിനീഷ് എം,അനൂപ് എൻപി,രജീഷ് വി പി, ഷാജു കെ,ഹോം ഗാർഡുമാരായ ബാലൻ ടി പി,രാജേഷ് കെ പി, പ്രതീഷ് എന്നിവർ രക്ഷാപ്രവർത്തനത്തിൽ ഏർപ്പെട്ടു.