കോഴിക്കോട്: 'ദിവ്യഗർഭം' വാഗ്ദാനം ചെയ്ത് യുവതിയെ ലൈംഗികമായി പീഡിപ്പിച്ച കേസിൽ വ്യാജ സിദ്ധൻ അറസ്റ്റിലായി. സജിൽ ചെറുപാണക്കാട് എന്നയാളാണ് പോലീസ് പിടിയിലായത്. ഇയാളെ നെടുമങ്ങാട് നിന്ന് കൊളത്തൂർ പോലീസ് കസ്റ്റഡിയിലെടുക്കുകയായിരുന്നു.മിറാക്കിൾ പാത്ത്' (Miracle Path) എന്ന യൂട്യൂബ് ചാനലിന്റെ ഉടമയാണ് സജിൽ. ആഭിചാരക്രിയകളിലൂടെ പ്രശ്‌നങ്ങൾക്ക് പരിഹാരം കാണുന്ന ആളാണെന്ന് സ്വയം പരിചയപ്പെടുത്തിയാണ് ഇയാൾ പരാതിക്കാരിയായ യുവതിയുമായി അടുപ്പം സ്ഥാപിച്ചത്. ഒളിവിൽ കഴിയുകയായിരുന്ന പ്രതിയെ പോലീസ് സാഹസികമായി പിടികൂടുകയായിരുന്നു.പ്രതി തന്റെ യൂട്യൂബ് ചാനലിലൂടെ താനൊരു 'ഇമാം' ആണെന്ന മട്ടിൽ ആത്മീയ വിഷയങ്ങളെക്കുറിച്ചുള്ള വീഡിയോകളാണ് പ്രധാനമായും പോസ്റ്റ് ചെയ്തിരുന്നത്. ഈ പരിചയം മുതലെടുത്ത്, യുവതിക്ക് ദിവ്യമായ ഒരു ഗർഭം ലഭിക്കാൻ സഹായിക്കാമെന്ന് വാഗ്ദാനം ചെയ്തു.
ഈ വാഗ്ദാനത്തിന്റെ മറവിൽ ആഭിചാരക്രിയകൾ ചെയ്യാനെന്ന വ്യാജേന യുവതി താമസിക്കുന്ന വാടക വീട്ടിലെത്തിയ പ്രതി, യുവതിയെ ബലമായി പീഡിപ്പിക്കുകയായിരുന്നു. സംഭവത്തെത്തുടർന്ന് സമഗ്രമായ അന്വേഷണം ആരംഭിച്ചതായും, ഇയാൾക്കെതിരെ കൂടുതൽ പരാതികൾ ഉണ്ടാകാൻ സാധ്യതയുണ്ടെന്നും പോലീസ് അറിയിച്ചു.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.