പയ്യോളി: ഇരിങ്ങൽ സർഗാലയായിൽ നടന്നുവന്ന ഇഗ്നൈറ്റ് എൻ എസ് എസ് സംസ്ഥാന നേതൃപരിശീലന ക്യാമ്പ് സമാപിച്ചു. സംസ്ഥാനത്തിന്റെ വിവിധ ഭാഗങ്ങളിൽ നിന്നായി 100 എൻ എസ് എസ് വളണ്ടിയർ ലീഡർമാരാണ് പരിശീലനം പൂർത്തിയാക്കിയത്. ഇവർ വിദ്യാലയത്തിന്റെ മറ്റ് കുട്ടികൾക്ക് മാർഗ നിർദേശം നൽകും. ഇഗ്നൈറ്റ് ക്യാമ്പിന്റെ സമാപനം ഹയർ സെക്കന്ററി അക്കാഡമിക് ജോയന്റ് ഡയറക്ടറും എൻ എസ് എസ് സംസ്ഥാന പ്രോഗ്രാം കോ ഓർഡിനേറ്ററുമായ ഡോ എസ് ഷാജിത ഉദ്ഘാടനം ചെയ്തു. ക്യാമ്പ് കോ ഓർഡിനേറ്റർ എസ് ശ്രീചിത്ത് അധ്യക്ഷം വഹിച്ചു. എക്സാം ജോയിന്റ് ഡയറക്ടർ ഡോ കെ മാണിക്യരാജ് മുഖ്യ പ്രഭാഷണം നടത്തി. ക്ലസ്റ്റർ കൺവീനർ കെ ഷാജി, പ്രോഗ്രാം ഓഫീസർ പി സക്കീർ ഹുസൈൻ വളണ്ടിയർ ലീഡർമാരായ കെ സി മുഹമ്മദ് ഷാനിദ്, തീർത്ഥ എസ് നായർ എന്നിവർ സംസാരിച്ചു.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.