താമരശ്ശേരി ഫ്രഷ് കട്ട് സംഘർഷം: സമരസമിതി പ്രവർത്തകർക്കെതിരെയും കേസ് മുന്നൂറിൽപ്പരം പേർ പ്രതിപ്പട്ടികയിൽ

 

താമരശ്ശേരി ഫ്രഷ് കട്ട് സംഘർഷത്തിൽ സമരസമിതി പ്രവർത്തകർക്കെതിരെ കേസ്.  സമരസമിതി പ്രവർത്തകരായ 28 പേരെ പ്രതിചേർത്താണ് കേസെടുത്തിരിക്കുന്നത് കമ്പി വടികളും മാരകായുധങ്ങളും ഉപയോഗിച്ച് ജീവനക്കാരെ വധിക്കാൻ ശ്രമിച്ചുവെന്നാണ് എഫ്‌ഐആർ. പരുക്കേറ്റ രാജിൻ കോഴിക്കോട് ബേബി മെമ്മോറിയൽ  ചികിത്സയിൽ കഴിയുകയാണ്.

ഫ്രഷ് കട്ട് സമരത്തിൽ 6 എഫ് ഐ ആർ രജിസ്റ്റർ ചെയ്തതിനു പിന്നാലെ പ്രതി പട്ടികയിൽ ഉള്ളവർക്കായി അന്വേഷണം ശക്തിപ്പെടുത്തിയിരിക്കുകയാണ് താമരശ്ശേരി പൊലീസ്. താമരശ്ശേരി കരിമ്പാലൻകുന്നിലെ വീട്ടുകളിൽ പ്രതികളെ തിരഞ്ഞുള്ള അന്വേഷണത്തിന്റെ ഭാഗമായി വ്യാപക റെയ്ഡ് നടന്നു. ഇന്നലെ അർധരാത്രിയിലാണ് റെയ്ഡ് ഉണ്ടായത്. 300 ൽ അധികം പേരാണ് പ്രതിപ്പട്ടികയിൽ നിലവിൽ ഉള്ളത്. സിസിടിവി ദൃശ്യങ്ങൾ കേന്ദ്രീകരിച്ചും പൊലീസ് ശേഖരിച്ച മറ്റു ദൃശ്യങ്ങളുടെയും അടിസ്ഥാനത്തിലാണ് അന്വേഷണംതുടരുന്നത്