ഒ. പി ടിക്കറ്റ് ഫീസ് വർദ്ധനവ് എസ് ഡി പി ഐ പ്രതിഷേധ സംഗമം സംഘടിപ്പിച്ചു.

വടകര : ജില്ലാ ആശുപത്രിയിലെ ഒ. പി ടിക്കറ്റ് ഫീസ് വർദ്ധനവ് പിൻ വലിക്കണമെന്നാവശ്യപ്പെട്ടു കൊണ്ട് എസ് ഡി പി ഐ വടകര മുനിസിപ്പൽ കമ്മിറ്റിയുടെ നേതൃത്വത്തിൽ ജില്ലാ ആശുപത്രിക്ക് മുന്നിൽ പ്രതിഷേധ സംഗമം സംഘടിപ്പിച്ചു. ആശുപത്രിയുടെ സൗകര്യങ്ങൾ വർദ്ധിപ്പിക്കുന്നതിൽ ശ്രദ്ധ കൊടുക്കാത്ത അധികാരികൾ ഫീസ് വർദ്ധിപ്പിക്കുന്നതിൽ ഉത്സാഹം കാട്ടുന്നത് തീർത്തും ജനവഞ്ചനയാണെന്ന് ഉദ്ഘാടനം നിർവഹിച്ചു കൊണ്ട് എസ് ഡി പി ഐ വടകര നിയോജക മണ്ഡലം സെക്രട്ടറി സജീർ എൻ കെ പറഞ്ഞു.

 മുനിസിപ്പൽ വൈസ് പ്രസിഡന്റ്‌ കെ വി പി ഷാജഹാൻ അധ്യക്ഷത വഹിച്ച പരിപാടിയിൽ,സെക്രട്ടറി നിസാം പുത്തൂർ സ്വാഗതവും സവാദ് വടകര, ഹാരിസ് സി എ എന്നിവർ അഭിവാദ്യങ്ങൾ അർപ്പിച്ചു സംസാരിച്ചു, റസീന വി കെ, ഫെബിന ഷാജഹാൻ, ശബാന പി വി, അഷ്‌കർ എം വി, ഗഫൂർ പുത്തൂർ,ഇസ്മായിൽ ഇ വി, സലീം സി വി, റംഷി, ഷംസീർ അഴിത്തല മജീദ് പി എന്നിവർ പരിപാടിക്ക് നേതൃത്വം നൽകി. മഷ്ഹൂദ് കെ പി നന്ദി പറഞ്ഞു.