സംസ്ഥാനത്തെ മാനസികാരോഗ്യ കേന്ദ്രങ്ങളുടെ പേര് മാറ്റുന്നു

തിരുവനന്തപുരം: സംസ്ഥാനത്തെ മാനസികാരോഗ്യ കേന്ദ്രങ്ങളുടെ പേര് മാറ്റാൻ സർക്കാർ തീരുമാനം. ഇനി മുതൽ മാനസിക ആരോഗ്യ കേന്ദ്രങ്ങൾ 'ഹാപ്പിനെസ് ആൻഡ് വെൽനെസ് സെന്റർ' എന്ന പേരിൽ അറിയപ്പെടും. മാനസികാരോഗ്യ മേഖലയെക്കുറിച്ച് സമൂഹ നിലനിൽക്കുന്ന മുൻവിധികൾ ഒഴിവാക്കുന്നതിനും സേവനങ്ങൾ കൂടുതൽ ജനസൗഹൃദമാക്കുന്നതിനുമാണ് ഈ മാറ്റമെന്ന് അധികൃതർ വ്യക്തമാക്കി.

ഭൗതിക സാഹചര്യങ്ങളും ചികിത്സയും ആധുനികവത്കരിക്കും

പേരുമാറ്റത്തോടൊപ്പം തന്നെ ഈ കേന്ദ്രങ്ങളുടെ ഭൗതിക സാഹചര്യങ്ങളും അടിസ്ഥാന സൗകര്യങ്ങളും വികസിപ്പിക്കാൻ സർക്കാർ ലക്ഷ്യമിടുന്നുണ്ട്. നിലവിലുള്ള ചികിത്സാ സൗകര്യങ്ങൾ കൂടുതൽ ആധുനികവത്കരിക്കുകയും രോഗികൾക്ക് മികച്ച പരിചരണം ഉറപ്പാക്കുകയും ചെയ്യും.

മനോരോഗ ചികിത്സയുമായി ബന്ധപ്പെട്ട് പൊതുസമൂഹത്തിലുള്ള ഭീതിയും അകൽച്ചയും മാറ്റിയെടുക്കാൻ ഈ നടപടി സഹായിക്കുമെന്നാണ് വിലയിരുത്തപ്പെടുന്നത്