പൂവിപണി സജീവം:നഗര-ഗ്രാമ വ്യത്യാസമില്ലാതെ കവലകളിലെല്ലാം പൂക്കടകൾ

പൂവിപണി സജീവം: പൊന്നോണത്തെ വരവേൽക്കാൻ പൂക്കളമൊരുങ്ങി

 . അത്തം നാൾ മുതൽ വീടുകളിൽ പൂക്കളമൊരുക്കാൻ പൂവിപണികളും സജീവമായിട്ടുണ്ട്. നാട്ടിൻപുറങ്ങളിലെ തൊടികളിൽ നിന്ന് പൂക്കൾ പറിച്ചിരുന്ന കാലത്തിൽ നിന്ന് മാറി, പൂവിപണികളെ ആശ്രയിക്കുന്ന രീതിയിലേക്ക് മലയാളി മാറിയതോടെ നഗര-ഗ്രാമ വ്യത്യാസമില്ലാതെ കവലകളിലെല്ലാം പൂക്കടകൾ നിരന്നുകഴിഞ്ഞു.

​തമിഴ്‌നാട്ടിലെ തോവാള, ഹൊസൂർ, കർണാടകയിലെ ഗുണ്ടൽപേട്ട്, ബെംഗളൂരു തുടങ്ങിയ സ്ഥലങ്ങളിൽ നിന്നാണ് പ്രധാനമായും കേരളത്തിലേക്ക് പൂക്കൾ എത്തുന്നത്. മഞ്ഞയും ഓറഞ്ചും നിറങ്ങളിലുള്ള മല്ലികപ്പൂക്കൾ (ചെണ്ടുമല്ലി), വാടാമുല്ല, അരളി, റോസ്, ജാതിമല്ലി തുടങ്ങിയ പൂക്കൾക്കാണ് വിപണിയിൽ ആവശ്യക്കാർ കൂടുതൽ.

​വിലക്കയറ്റത്തിന്റെ വെല്ലുവിളികൾ നിലനിൽക്കുന്നുണ്ടെങ്കിലും, തിരുവോണനാളിൽ മാവേലി തമ്പുരാനെ വരവേൽക്കാൻ പൂക്കളമൊരുക്കാനുള്ള മലയാളിയുടെ ആവേശത്തിന് കുറവൊന്നുമില്ല.