പുഴയിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു

 

കുറ്റ്യാടിപ്പുഴയിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു. തിരുവള്ളൂർ പാലോളിപ്പറമ്പ് ബാലൻ ഷിജി ദമ്പതികളുടെ മകൻ സിദ്ധാർഥ്(15)ആണ് പാലേരി കൂനിയോട് താന്തോന്നിക്കടവ് ഭാഗത്തു അപകടത്തിൽപ്പെട്ടത്. രാവിലെ 9 മണിയോടെ ആണ് അപകടം. സിദ്ധാർത്ഥിന്റെ അമ്മയുടെ വീടായ പാലേരിയിൽ മരണാനന്തര ചടങ്ങിൽ പങ്കെടുക്കാൻ എത്തിയതായിരുന്നു അമ്മയോടും മറ്റു രണ്ട് കുട്ടികളോടും കൂടി പുഴയിൽ ഇറങ്ങിയ സിദ്ധാർഥ് കയത്തിൽ പെടുകയായിരുന്നു. നിലവിളി കേട്ട് ഓടിക്കൂടിയ നാട്ടുകാർ സിദ്ധാർത്ഥിനെ പുറത്തെടുത്തപ്പോഴേക്കും മരണം സംഭവിച്ചിരുന്നു.തിരുവള്ളൂർ ശാന്തിനികേതൻ ഹൈസ്കൂൾ വിദ്യാർത്ഥിയാണ് സിദ്ധാർഥ്.മൃതദേഹം പേരാമ്പ്ര താലൂക്ക് ആശുപത്രിയിൽ.