നന്തിയിൽ സർവീസ് റോഡിൽ നിർത്തിയിട്ട സ്കൂട്ടറിൽ പിക്ക് അപ്പ് വാൻ ഇടിച്ചു; യുവാവിന് പരിക്ക് (വീഡിയോ)

​

നന്തി ബസാർ: ദേശീയപാതയിൽ നന്തിയിൽ സർവീസ് റോഡിന് ഓരം ചേർന്ന് നിർത്തിയിട്ട സ്കൂട്ടറിന് പിറകിൽ പിക്ക് അപ്പ് വാൻ ഇടിച്ച് അപകടം. അപകടത്തിൽ സ്കൂട്ടർ യാത്രികനായ കോഴിക്കോട് നടക്കാവ് പണിക്കർ റോഡ് സ്വദേശി എൻ.വി. നിഷിൽ ദാസിന് (44) പരിക്കേറ്റു. ഇന്നലെ (വെള്ളിയാഴ്ച) ഉച്ചയ്ക്ക് 12.30-ഓടെയായിരുന്നു സംഭവം.

​അപകടം നടന്നത് ഇങ്ങനെ:

​സർവീസ് റോഡിലൂടെ കൊയിലാണ്ടി ഭാഗത്തേക്ക് വരികയായിരുന്നു നിഷിൽ ദാസ്. നന്തിയിൽ വെച്ച് സ്കൂട്ടർ റോഡരികിൽ നിർത്തിയ സമയത്ത്, അതേ ദിശയിൽ അമിതവേഗതയിൽ വന്ന പിക്ക് അപ്പ് വാൻ സ്കൂട്ടറിന് പിറകിൽ ഇടിക്കുകയായിരുന്നു. കെ.എൽ 11 ബി.വൈ 6997 നമ്പർ ബൊലേറോ പിക്ക് അപ്പ് വാനാണ് അപകടമുണ്ടാക്കിയത്.

​വാഹനത്തിന്റെ അമിതവേഗതയും അശ്രദ്ധയുമാണ് അപകടത്തിന് കാരണമായതെന്ന് നാട്ടുകാർ പറഞ്ഞു. അപകടം നടന്ന ഉടൻ തന്നെ നാട്ടുകാരും മറ്റ് യാത്രക്കാരും ചേർന്ന് പരിക്കേറ്റ നിഷിൽ ദാസിനെ അടുത്തുള്ള ആശുപത്രിയിൽ പ്രവേശിപ്പിച്ചു.