പന്തീരാങ്കാവിൽ തണൽമരങ്ങൾ മുറിച്ചതിനെതിരെ കോൺഗ്രസ് പ്രതിഷേധം; വൃക്ഷത്തൈകൾ നട്ടു

​

പന്തീരാങ്കാവ്: മാങ്കാവ് - കണ്ണിപറമ്പ് റോഡിൽ പന്തീരാങ്കാവ് മരം ബസ് സ്റ്റോപ്പിന് സമീപം പുതുതായി ആരംഭിക്കുന്ന പെട്രോൾ പമ്പിന് മറയാകുന്നു എന്ന കാരണത്താൽ തണൽമരങ്ങൾ മുറിച്ചു നശിപ്പിച്ച നടപടിക്കെതിരെ പന്തീരാങ്കാവ് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പ്രതിഷേധം സംഘടിപ്പിച്ചു. മരങ്ങൾ മുറിച്ചുമാറ്റിയ അതേ സ്ഥലത്ത് വൃക്ഷത്തൈകൾ നട്ടുകൊണ്ടായിരുന്നു പ്രവർത്തകരുടെ പ്രതിഷേധം.

​ഡി.സി.സി ജനറൽ സെക്രട്ടറി എ. ഷിയാലി വൃക്ഷത്തൈ നട്ട് പ്രതിഷേധ പരിപാടി ഉദ്ഘാടനം ചെയ്തു. വികസനത്തിന്റെ പേരിൽ പ്രകൃതിയെ നശിപ്പിക്കുന്ന നിലപാട് അംഗീകരിക്കാനാവില്ലെന്ന് അദ്ദേഹം പറഞ്ഞു. പന്തീരാങ്കാവ് മണ്ഡലം പ്രസിഡന്റ് കെ.കെ. മഹേഷ് ചടങ്ങിൽ അധ്യക്ഷത വഹിച്ചു.

​പ്രതിഷേധ പരിപാടിയിൽ പ്രമുഖ കോൺഗ്രസ് നേതാക്കളായ:

​എൻ. മുരളീധരൻ

​പി. കണ്ണൻ

​സുജിത്ത് കാഞോളി

​കെ.പി. റഷീദ്

​ടി. മുജീബ്

​എ. വീരേന്ദ്രകുമാർ

​കെ.പി. അബ്ദുള്ളക്കുട്ടി

​സി. ബാബു

​രാഗേഷ് ഒളവണ്ണ

​വിനോദ്കുമാർ കാനാങ്കോട്ട്

​വി.എം. മധുസൂദനൻ

​തുടങ്ങിയവർ സംസാരിച്ചു. പരിസ്ഥിതി സംരക്ഷണത്തിന് മുൻഗണന നൽകണമെന്നും മരങ്ങൾ നശിപ്പിച്ചവർക്കെതിരെ നടപടി വേണമെന്നും പ്രതിഷേധക്കാർ ആവശ്യപ്പെട്ടു.