സംസ്ഥാനത്ത് സ്വർണവില : പവന് 1,320 രൂപ കുറഞ്ഞു

കൊച്ചി: ആഗോള വിപണിയിലെ മാറ്റങ്ങൾക്കനുസരിച്ച് സംസ്ഥാനത്ത് സ്വർണവിലയിൽ വൻ ഇടിവ്. പവന് ഒറ്റയടിക്ക് 1,320 രൂപ കുറഞ്ഞ് വില 1,09,360 രൂപയിലെത്തി. ഗ്രാമിന് 165 രൂപയാണ് കുറഞ്ഞത്. ഇതോടെ ഒരു ഗ്രാം സ്വർണത്തിന് 13,670 രൂപയായി.

വിലക്കുറവിന് പിന്നിൽ:

ആഗോള വിപണിയിൽ എണ്ണവില കുതിച്ചുയരുന്നതാണ് സ്വർണവില കുറയാൻ പ്രധാന കാരണമായി വിലയിരുത്തപ്പെടുന്നത്. പശ്ചിമേഷ്യൻ സംഘർഷങ്ങളെത്തുടർന്ന് ബ്രെന്റ് ക്രൂഡ് വില ബാരലിന് 110 ഡോളറിലേക്ക് അടുക്കുകയാണ്. സാധാരണയായി എണ്ണവില വർധിക്കുമ്പോൾ നിക്ഷേപകർ സ്വർണത്തിൽ നിന്ന് പിൻവാങ്ങി മറ്റ് വിപണികളിലേക്ക് ശ്രദ്ധ കേന്ദ്രീകരിക്കുന്നത് സ്വർണവില താഴാൻ കാരണമാകാറുണ്ട്.

കഴിഞ്ഞ കുറച്ച് ദിവസങ്ങളായി എണ്ണവില കുറഞ്ഞതിനെത്തുടർന്ന് സ്വർണവിലയിൽ വലിയ വർധനവ് രേഖപ്പെടുത്തിയിരുന്നു. എന്നാൽ നിലവിലെ ആഗോള രാഷ്ട്രീയ സാഹചര്യങ്ങൾ സ്വർണവിപണിയെ പ്രതികൂലമായി ബാധിച്ചിരിക്കുകയാണ്