കോഴിക്കോട്: ഇന്ത്യൻ ഒളിംപിക് അസോസിയേഷൻ അധ്യക്ഷയും രാജ്യസഭാംഗവുമായ പി.ടി. ഉഷയുടെ ഭർത്താവ് വി. ശ്രീനിവാസൻ (64) അന്തരിച്ചു. വെള്ളിയാഴ്ച പുലർച്ചെ ഒരു മണിയോടെ പയ്യോളിയിലെ വീട്ടിൽ കുഴഞ്ഞുവീഴുകയായിരുന്നു. ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
സിഐഎസ്എഫിൽ ഉദ്യോഗസ്ഥനായിരുന്ന ശ്രീനിവാസൻ മുൻ കബഡി താരം കൂടിയായിരുന്നു. പൊന്നാനി സ്വദേശിയായ അദ്ദേഹം പി.ടി. ഉഷയുടെ കായിക ജീവിതത്തിലും ഉഷ സ്കൂൾ ഓഫ് അത്ലറ്റിക്സിന്റെ പ്രവർത്തനങ്ങളിലും വലിയ പിൻബലമായി കൂടെയുണ്ടായിരുന്നു.
മരണവിവരമറിഞ്ഞ് ഡൽഹിയിലായിരുന്ന പി.ടി. ഉഷ നാട്ടിലേക്ക് തിരിച്ചു. സംസ്കാരം സംബന്ധിച്ച വിവരങ്ങൾ പിന്നീട് അറിയിക്കും. കായിക-രാഷ്ട്രീയ മേഖലയിലെ പ്രമുഖർ ശ്രീനിവാസന്റെ നിര്യാണത്തിൽ അനുശോചനം രേഖപ്പെടുത്തി.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.