വടകരയിൽ അയൽവാസിയുടെ കുത്തേറ്റ് മൂന്നുപേർക്ക് പരിക്ക് ഒരാളുടെ നില ഗുരുതരം

വടകര കുട്ടോത്ത് മൂന്ന് പേര്‍ക്ക് അയല്‍വാസിയുടെ കുത്തേറ്റു. മലച്ചാല്‍ പറമ്പത്ത് ശശി, രമേശന്‍, ചന്ദ്രന്‍ എന്നിവര്‍ക്കാണ് കുത്തേറ്റത്. ഇവരെ ആശുപത്രിയില്‍ പ്രവേശിപ്പിച്ചു. ഇന്നലെ രാത്രി 8 മണി ഓടെയായിരുന്നു സംഭവം. ഇവരുടെ അയല്‍വാസി മലച്ചാല്‍ പറമ്പത്ത് ഷനോജാണ് അക്രമം നടത്തിയത്.

ശശിയുടെ പരിക്ക് ഗുരുതരമാണ് എന്നാണ് അറിയുന്നത്. ഇയാളെ വടകരയിലെ സ്വകാര്യ ആശുപത്രിയിലും മറ്റു രണ്ടുപേരെ മലബാര്‍ മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു. പ്രതി ഷനോജിനെ പൊലീസ് കസ്റ്റഡിയിലെടുത്തു .ആക്രമണത്തിന് കാരണം എന്താണെന്ന് വ്യക്തമല്ല