ഉള്ളിയേരി പാലോറ മലയിൽ അടിക്കാടിന് തീപിടിച്ചത് പരിഭ്രാന്തി പരത്തി

കൊയിലാണ്ടി :ഉള്ളിയേരി പാലോറ മലയിൽ  അടിക്കാടിന് തീപിടിച്ചത് പരിഭ്രാന്തി പരത്തി. ഇന്ന് ഉച്ചയ്ക്ക് ഒരുമണിയോടു കൂടിയാണ് സംഭവം 

എൻജിനീയറിങ് കോളേജിന് സമീപമുള്ള പാലോറ മലയിൽ ഏതാണ്ട് 6 ഏക്കറോളം സ്ഥലത്തെ കുറ്റിക്കാടുകകൾക്കും അക്കെഷ്യ മരങ്ങൾക്കും തീ പിടിച്ചത്. വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും 

അഗ്നിരക്ഷാസേന എത്തുകയും വെള്ളവും ഫയർ ബീറ്ററും ഉപയോഗിച്ചു തീ പൂർണമായും കെടുത്തി. സ്റ്റേഷൻ ഓഫീസർ മുരളീധരൻ സി കെയുടെ നേതൃത്വത്തിൽ ഗ്രേഡ് അസിസ്റ്റന്റ് സ്റ്റേഷൻ ഓഫീസർ മജീദ് എം, ഫയർ ആൻഡ് റെസ്ക്യൂ ഓഫീസർമാരായ ജാഹിർ എം,ഹേമന്ത് ബി, ഇർഷാദ് ടി കെ, സുജിത്ത് വി, ഹോം ഗാർഡമാരായ ഓംപ്രകാശ് എം ബാലൻ എന്നിവർ തീയണക്കുന്നതിൽ ഏർപ്പെട്ടു.