പിണറായിക്കെതിരെ മത്സരിച്ച യുഡിഎഫ് സ്ഥാനാർഥി വി.പി. അബ്ദുൾ റഷീദിന് പൊലീസ് സുരക്ഷ ഏർപ്പെടുത്തി

 :

കണ്ണൂർ: നിയമസഭാ തെരഞ്ഞെടുപ്പിൽ ധർമടം മണ്ഡലത്തിൽ മുഖ്യമന്ത്രി പിണറായി വിജയനെതിരെ മത്സരിച്ച യുഡിഎഫ് സ്ഥാനാർഥി വി.പി. അബ്ദുൾ റഷീദിന് പൊലീസ് കാവൽ ഏർപ്പെടുത്തി. ഇദ്ദേഹത്തിന്റെ പൊതുവാച്ചേരിയിലെ വീടിനും സുരക്ഷ ശക്തമാക്കിയിട്ടുണ്ട്. സ്പെഷ്യൽ ബ്രാഞ്ച് നൽകിയ രഹസ്യാന്വേഷണ റിപ്പോർട്ടിന്റെ പശ്ചാത്തലത്തിലാണ് പൊലീസിന്റെ ഈ മുൻകരുതൽ നടപടി.

സിപിഎമ്മിന്റെ പരമ്പരാഗത കോട്ടയായ ധർമടത്ത് വോട്ടെണ്ണലിന്റെ ആദ്യ ആറ് റൗണ്ടുകളിലും യുഡിഎഫ് സ്ഥാനാർഥിയായ അബ്ദുൾ റഷീദായിരുന്നു മുന്നിട്ടുനിന്നിരുന്നത്. എൽഡിഎഫിന് ശക്തമായ സ്വാധീനമുള്ള പാർട്ടി ഗ്രാമങ്ങൾ ഉൾപ്പെടെയുള്ള എട്ട് ഗ്രാമപഞ്ചായത്തുകളിൽ നിന്നും യുഡിഎഫ് സ്ഥാനാർഥിക്ക് മികച്ച രീതിയിൽ വോട്ട് സമാഹരിക്കാൻ സാധിച്ചിരുന്നു. രാഷ്ട്രീയ കേന്ദ്രങ്ങളെ ഒന്നടങ്കം അത്ഭുതപ്പെടുത്തിയ ഈ മുന്നേറ്റത്തിന് പിന്നാലെയാണ് സ്ഥാനാർഥിക്കും വീടിനും സുരക്ഷ ഉറപ്പാക്കാൻ അധികൃതർ തീരുമാനിച്ചത്.