മുൻ മന്ത്രി ടി.യു. കുരുവിള അന്തരിച്ചു

​കൊച്ചി/കോതമംഗലം: മുൻ പൊതുമരാമത്ത് വകുപ്പ് മന്ത്രിയും കേരള കോൺഗ്രസ് (ജോസഫ്) വൈസ് ചെയർമാനുമായ ടി.യു. കുരുവിളയുടെ നിര്യാണത്തെത്തുടർന്ന് രാഷ്ട്രീയ-സാമൂഹിക മേഖലകളിൽ  അനുശോചനം. കൊച്ചിയിലെ സ്വകാര്യ ആശുപത്രിയിൽ വാർദ്ധക്യസഹജമായ അസുഖങ്ങളെ തുടർന്ന് ചികിത്സയിലായിരുന്ന അദ്ദേഹം ഇന്നലെ രാത്രിയാണ് അന്തരിച്ചത്. 89 വയസ്സായിരുന്നു.

 . പ്രിയ നേതാവിനെ അവസാനമായി ഒരുനോക്ക് കാണാൻ വൻ ജനപ്രവാഹമാണ്    എത്തുന്നത്.

 

​കോതമംഗലത്തിന്റെ 'കുർളാൻ ചേട്ടൻ'

​കേരള കോൺഗ്രസ് രാഷ്ട്രീയത്തിൽ പി.ജെ. ജോസഫിനൊപ്പം എക്കാലത്തും വിശ്വസ്തതയോടെ ഉറച്ചുനിന്ന നേതാവായിരുന്നു കോതമംഗലംകാരുടെ പ്രിയപ്പെട്ട 'കുർളാൻ ചേട്ടൻ'. പഞ്ചായത്ത് പ്രസിഡന്റായി രാഷ്ട്രീയ ജീവിതം ആരംഭിച്ച് സംസ്ഥാന മന്ത്രിപദം വരെ എത്തിയ അദ്ദേഹം മികച്ചൊരു വ്യവസായിയും യാക്കോബായ സഭയുടെ ശക്തനായ വക്താവുമായിരുന്നു.

​മന്ത്രിപദം: വി.എസ്. അച്യുതാനന്ദൻ മന്ത്രിസഭയിൽ പൊതുമരാമത്ത് വകുപ്പ് മന്ത്രിയായിരുന്നു.

​നിയമസഭയിൽ: 2006, 2011 വർഷങ്ങളിൽ കോതമംഗലം മണ്ഡലത്തിൽ നിന്ന് എം.എൽ.എയായി തിരഞ്ഞെടുക്കപ്പെട്ടു.

​മറ്റ് പദവികൾ: റബർ ബോർഡ് അംഗം, സംസ്ഥാന ഹൗസിംഗ് ബോർഡ് ചെയർമാൻ എന്നീ നിലകളിലും അദ്ദേഹം പ്രവർത്തിച്ചിട്ടുണ്ട്