മലപ്പുറം: പൊന്നാനി കടലിൽ മത്സ്യബന്ധന ബോട്ട് കപ്പലിനടിയിൽപ്പെട്ട് ഉണ്ടായ വൻ അപകടത്തിൽ നിന്ന് 50 മത്സ്യത്തൊഴിലാളികൾ അത്ഭുതകരമായി രക്ഷപ്പെട്ടു. താനൂർ സ്വദേശികളുടെ ഉടമസ്ഥതയിലുള്ള 'ജീലാനി' എന്ന ബോട്ടാണ് അപകടത്തിൽപ്പെട്ടത്. 'എൻഎസ്എസ് വിശാഖപട്ടണം' എന്ന കപ്പലിനടിയിലേക്കാണ് ബോട്ട് നിയന്ത്രണം വിട്ട് ഇടിച്ചു കയറിയത്.

രക്ഷകരായി 'അൽ ബുഹാരി'യിലെ തൊഴിലാളികൾ

അപകടം ശ്രദ്ധയിൽപ്പെട്ട തൊട്ടടുത്തുണ്ടായിരുന്ന 'അൽ ബുഹാരി' എന്ന ബോട്ടിലെ തൊഴിലാളികളുടെ സമയോചിതമായ ഇടപെടലാണ് വൻ ദുരന്തം ഒഴിവാക്കിയത്. കടലിൽ അകപ്പെട്ട അൻപതോളം തൊഴിലാളികളെയും ഇവർ സുരക്ഷിതമായി തങ്ങളുടെ ബോട്ടിലേക്ക് മാറ്റി. കപ്പലിലിടിച്ച് അപകടത്തിൽപ്പെട്ട ജീലാനി ബോട്ടിന് കാര്യമായ കേടുപാടുകൾ സംഭവിച്ചിട്ടുണ്ട്.

മത്സ്യബന്ധനം കഴിഞ്ഞ് മടങ്ങുന്നതിനിടെയാണോ അതോ കടലിലെ പ്രതികൂല സാഹചര്യം മൂലമാണോ ബോട്ട് കപ്പലിനടിയിലേക്ക് കയറിയതെന്ന് പരിശോധിച്ചു വരികയാണ്. രക്ഷപ്പെട്ട തൊഴിലാളികളെ പിന്നീട് കരയിലെത്തിച്ചു