സംസ്ഥാനത്ത് സ്വർണവില കുത്തനെ ഇടിഞ്ഞു; ഇന്ന് കുറഞ്ഞത് 1320 രൂപ

കോഴിക്കോട്: സംസ്ഥാനത്ത് സ്വർണവിലയിൽ വലിയ ഇടിവ് രേഖപ്പെടുത്തി. ചൊവ്വാഴ്ച രണ്ട് ഘട്ടങ്ങളിലായാണ് വില കുറഞ്ഞത്. രാവിലെ പവന് 520 രൂപയും ഉച്ചയ്ക്ക് ശേഷം 800 രൂപയും കുറഞ്ഞു. ഇതോടെ ഒരു പവൻ സ്വർണത്തിന്റെ വില 1,11,400 രൂപയിലേക്ക് താഴ്ന്നു.

തുടർച്ചയായ രണ്ടാം ദിവസമാണ് വിപണിയിൽ സ്വർണവില താഴേക്ക് പോകുന്നത്. ഗ്രാമിന് ഇന്ന് മൊത്തം 165 രൂപയുടെ കുറവാണ് ഉണ്ടായത്. ഇതോടെ ഒരു ഗ്രാം സ്വർണത്തിന്റെ വില 13,925 രൂപയായി.

വില കുറയാനുള്ള കാരണങ്ങൾ:

രാജ്യാന്തര വിപണിയിലെ ചലനങ്ങളാണ് പ്രാദേശിക വിപണിയിലും പ്രതിഫലിക്കുന്നത്. ഹോർമൂസ് കടലിടുക്കിലെ സംഘർഷാവസ്ഥയെത്തുടർന്ന് അസംസ്‌കൃത എണ്ണവില വർധിച്ചതും ആഗോള സാമ്പത്തിക സാഹചര്യങ്ങളുമാണ് സ്വർണവിലയിൽ പെട്ടെന്നുള്ള ഈ മാറ്റത്തിന് കാരണമായി ചൂണ്ടിക്കാണിക്കപ്പെടുന്നത്. വരും ദിവസങ്ങളിലും വിലയിൽ ഏറ്റക്കുറച്ചിലുകൾ ഉണ്ടാകാൻ സാധ്യതയുണ്ടെന്നാണ് വിപണി വിദഗ്ധരുടെ വിലയിരുത്തൽ.