ബെയ്‌റൂട്ടിൽ ഇസ്രായേൽ വ്യോമാക്രമണം: മൂന്ന് മരണം; ലക്ഷ്യമിട്ടത് ഖുദ്‌സ് ഫോഴ്‌സിനെയെന്ന് റിപ്പോർട്ട്

​

ബെയ്‌റൂത്ത്: ലെബനൻ തലസ്ഥാനമായ ബെയ്‌റൂട്ടിൽ ഇസ്രായേൽ നടത്തിയ ഇരട്ട ആക്രമണങ്ങളിൽ മൂന്ന് പേർ കൊല്ലപ്പെട്ടു. തിങ്കളാഴ്ച രാത്രി നഗരത്തിന്റെ വിവിധ ഭാഗങ്ങളിലായാണ് ആക്രമണം ഉണ്ടായതെന്ന് ലെബനൻ ആരോഗ്യ മന്ത്രാലയം സ്ഥിരീകരിച്ചു.

​ഇറാന്റെ പ്രത്യേക സൈനിക വിഭാഗമായ ഖുദ്‌സ് ഫോഴ്‌സിലെ (Quds Force) അംഗങ്ങളെ ലക്ഷ്യം വെച്ചാണ് ഈ സൈനിക നടപടി സ്വീകരിച്ചതെന്ന് ഇസ്രായേൽ പ്രതിരോധ സേന വ്യക്തമാക്കി. മേഖലയിൽ സംഘർഷം കടുക്കുന്നതിനിടെയാണ് ബെയ്‌റൂട്ടിനെ നടുക്കി പുതിയ ആക്രമണങ്ങൾ റിപ്പോർട്ട് ചെയ്തിരിക്കുന്നത്. ആക്രമണത്തിൽ പരിക്കേറ്റവരെ കുറിച്ചോ കൂടുതൽ നാശനഷ്ടങ്ങളെ കുറിച്ചോ ഉള്ള വിവരങ്ങൾ ലഭ്യമായിട്ടില്ല.