വി എസ് ഓർമ്മയിൽ ഫോട്ടോ- ചിത്ര പ്രദർശനംതുടങ്ങി

കോഴിക്കോട്:മുതിർന്ന കമ്മ്യൂണിസ്‌റ്റ്‌ നേതാവും മുൻ മുഖ്യമന്ത്രിയുമായിരുന്ന

വി.എസ്.അച്ചുതാനന്ദന്റെ ഓർമ്മയിൽ 5 ദിവസങ്ങളിലായി  കോഴിക്കോട്ട് നടക്കുന്ന വിപുലമായ  പരിപാടികളുടെ ഭാഗമായി   വി.എസിന്റെ

സമാനതകളില്ലാത്ത ത്യാഗനിർഭരമായ  പൊതുജീവിതവും സമരസന്ദർഭങ്ങളും അനാവരണം ചെയ്യപ്പെടുന്ന ഇൻസ്റ്റലേഷൻ, ചിത്രാവിഷ്കാരം, ഫോട്ടോ എക്സിബിഷൻ എന്നിവ  കോഴിക്കോട ലളിതകലാ അക്കാദമി ആർട്ട് ഗാലറിയിൽ ആരംഭിച്ചു.

പ്രശസ്ത ഫോട്ടോഗാഫർ ഹാരിസ് കുറ്റിപ്പുറം പ്രദർശനം ഉദ്ഘാടനം ചെയ്തു. എ.സുരേഷ് അധ്യക്ഷനായി. ജോസഫ്. സി. മാത്യു,പ്രശസ്ത ചിത്രകാരൻ  ജോസഫ്‌.എം. വർഗീസ്,

ചിത്രകാരി മജ്നി തിരുവങ്ങൂർ, പി.സി.രാജേഷ്, എ.മുഹമ്മദ് സലീം

 എന്നിവർ സംസാരിച്ചു.

പ്രദർശനം നവം.29 വരെ തുടരും.

ഇന്ന് (ബുധനാഴ്ച) വൈകീട്ട് 4 മണിക്ക് 

ഭരണഘടന - ജനാധിപത്യം എന്ന വിഷയത്തിൽ  കോഴിക്കോട് ടൗൺ ഹാളിൽ നടക്കുന്ന ഉദ്ഘാടന സമ്മേളനത്തിൽ   റിട്ടയേർഡ് സുപ്രീം കോടതി ജഡ്ജി ജസ്റ്റിസ് ചെലമേശ്വർ, ജുഡീഷ്യറിയുടെ പക്ഷപാത നിലപാടുകളിൽ പ്രതിഷേധിച്ച് അഭിഭാഷകവൃത്തി ഉപേക്ഷിച്ച സുപ്രീം കോടതിയിലെ മുതിർന്ന അഭിഭാഷകനും മുൻ ബാർ അസോസിയേഷൻ പ്രസിഡണ്ടുമായ അഡ്വ: ദുഷ്യന്ത് ദാവെ, കർഷക സമര സൈദ്ധാന്തികനും പഞ്ചാബ് സർക്കാരിൻ്റെ ഫാർമേഴ്സ് കമ്മീഷൻ ചെയർമാനുമായ ഡോ. സുഖ്പാൽ സിംഗ്, കെ. കെ. രമ എം എൽ എ,  കൽപ്പറ്റ നാരായണൻ, ഡോ: ഖദീജാ മുംതാസ്,ജോസഫ്.സി. മാത്യു എന്നിവർ  

സംസാരിക്കും.

എം.എൻ. കാരശ്ശേരി അദ്ധ്യക്ഷനാവും.

27,28 തിയ്യതികളിലായി ടൗൺഹാളിൽ നടക്കുന്ന ശില്പശാലയിൽ പ്രമുഖരായ അക്കാദമിക് വിദഗ്ദ്ധരും

ആക്ടിവിസ്റ്റുകളും പങ്കെടുക്കും.