ഹരിതചട്ടം നിർബന്ധം
പോളിങ് സ്റ്റേഷനുകളിലും പരിസരത്തും നടക്കുന്ന എല്ലാ പ്രവർത്തനങ്ങളിലും ഹരിതചട്ടം പൂർണ്ണമായി പാലിക്കണമെന്ന് കമ്മീഷൻ ജില്ലാ തെരഞ്ഞെടുപ്പ് ഉദ്യോഗസ്ഥർക്ക് നിർദ്ദേശം നൽകി.
വോട്ടെടുപ്പ് ദിവസം ഉപയോഗശൂന്യമായ പേപ്പറുകളും മറ്റ് പാഴ്വസ്തുക്കളും വേർതിരിച്ച് ശേഖരിക്കുകയും ഹരിത ചട്ടങ്ങൾക്കനുസരിച്ച് നശിപ്പിക്കുകയും ചെയ്യണം.
ഇതിനായി അതത് തദ്ദേശ സ്ഥാപന സെക്രട്ടറിമാർ നടപടിയെടുക്കണം.
ആവശ്യമായ സ്ഥലങ്ങളിൽ ഹരിതകർമ്മ സേനയുടെ സഹായം ഉറപ്പാക്കണം.
അടിസ്ഥാന സൗകര്യങ്ങൾ
പോളിങ് സ്റ്റേഷനുകളായി നിശ്ചയിച്ച കെട്ടിടങ്ങളിൽ താഴെപ്പറയുന്ന അടിസ്ഥാന സൗകര്യങ്ങൾ ഉറപ്പാക്കണം:
വൈദ്യുതി, കുടിവെള്ളം, ഫർണിച്ചറുകൾ, ടോയ്‌ലെറ്റ് സൗകര്യം എന്നിവ.
വോട്ടർമാർക്ക് കാത്തിരിക്കാനായി കെട്ടിടത്തിന് പുറത്ത് ബെഞ്ചുകളും കസേരകളും തണലും ഒരുക്കണം.
മുതിർന്ന പൗരന്മാർക്കും ഭിന്നശേഷിക്കാർക്കും പ്രത്യേക ശ്രദ്ധ
പോളിങ് സ്റ്റേഷനുകളിൽ മുതിർന്ന പൗരന്മാർക്കും ഭിന്നശേഷിക്കാർക്കും (PWD) പ്രത്യേക സൗകര്യങ്ങൾ ഒരുക്കുന്നതിൽ ശ്രദ്ധിക്കണം.
കെട്ടിടത്തിലേക്ക് പ്രവേശിക്കാൻ റാംപ് സൗകര്യമില്ലെങ്കിൽ അത് താൽക്കാലികമായി സജ്ജമാക്കണം.
ഇവർക്കായി പോളിങ് സ്റ്റേഷനിലോ സമീപത്തോ വിശ്രമ സ്ഥലം ഒരുക്കണം.
കാഴ്ചപരിമിതർ, ഭിന്നശേഷിക്കാർ, രോഗികൾ, മുതിർന്നവർ എന്നിവർക്ക് വരി നിൽക്കാതെ വോട്ട് ചെയ്യാനുള്ള സൗകര്യം ഏർപ്പെടുത്തണം.
അന്ധരോ അവശതകളുള്ളവരോ ആയ വോട്ടർമാർക്ക് ഒരു സഹായിയെ അനുവദിക്കുന്നതിനും പ്രത്യേക നിർദ്ദേശമുണ്ട്.
വൈദ്യുതിയും വെള്ളവും
പോളിങ് ദിവസവും തലേദിവസവും ആവശ്യമായ ലൈറ്റുകളും ഫാനുകളും പ്രവർത്തനക്ഷമമാണെന്ന് ഉറപ്പാക്കണം. വൈദ്യുതി, വെള്ളം എന്നിവ ലഭ്യമല്ലെങ്കിൽ കെഎസ്ഇബി, വാട്ടർ അതോറിറ്റി പ്രാദേശിക ഓഫീസുകളുമായി ബന്ധപ്പെട്ട് അവ ലഭ്യമാക്കണം. അതിന് സാധിക്കാത്ത പക്ഷം പോർട്ടബിൾ സംവിധാനങ്ങൾ ഒരുക്കണം. വെളിച്ചക്കുറവുള്ള സാഹചര്യങ്ങൾ പൂർണ്ണമായും ഒഴിവാക്കാൻ മുൻകരുതലുകൾ എടുക്കണമെന്നും കമ്മീഷൻ നിർദ്ദേശിച്ചു.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.