ഇന്ത്യയുടെ ഭാവി പ്രതീക്ഷ യുവജനങ്ങളിൽ - ആകാർ പട്ടേൽ

പേരാമ്പ്ര: പുറമേയ്ക്ക് ശുഭകരമെന്ന് തോന്നിപ്പിക്കാൻ ശ്രമം നടക്കുമ്പോഴും ഇന്ത്യ അഭിമുഖീകരിക്കുന്നത് ഒട്ടും ഹിതകരമല്ലാത്ത ഭാവിയെയാണെന്ന് ആംനസ്റ്റി ഇൻ്റർനാഷണൽ ഇന്ത്യയുടെ ചെയർമാനും ഗ്രന്ഥകാരനും മാധ്യമപ്രവർത്തകനുമായ ആധാർ പട്ടേൽ അഭിപ്രായപ്പെട്ടു. തികഞ്ഞ വ്യാജങ്ങളും കൃത്രിമമായി സൃഷ്ടിച്ചെടുക്കുന്ന വാർത്തകളുമാണ് വസ്തുതകൾ എന്ന മട്ടിൽ പലപ്പോഴും നമുക്കുമുന്നിൽ അവതരിപ്പിക്കപ്പെടുന്നത്. ഈ വ്യാജങ്ങളെ പ്രതിരോധിക്കുകയും  രാജ്യത്തിൻ്റെ ഉത്തമഭാവിക്കുവേണ്ടി പ്രവർത്തിക്കുകയുമാണ് യുവജനങ്ങളുടെ കർത്തവ്യമെന്നും അദ്ദേഹം തുടർന്നു പറഞ്ഞു. പേരാമ്പ്ര ഡിഗ്നിറ്റി കോളജ് ഇംഗ്ലീഷ് വിഭാഗവും അസറ്റ് പേരാമ്പ്രയും സംയുക്തമായി സംഘടിപ്പിച്ച എജുക്കേഷൻ കോൺക്ലേവ് ഡിഗ്നിറ്റി കോളജ് ഓഡിറ്റോറിയത്തിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. അസറ്റ് ചെയർമാൻ സി.എച്ച്. ഇബ്രാഹിം കുട്ടി അധ്യക്ഷത വഹിച്ചു. പ്രിൻസിപ്പൽ പ്രൊഫ. എം. മുഹമ്മദ് അസ്ലം, അസറ്റ് ജന. സെകട്ടറി നസീർ നൊച്ചാട്, കോളജ് മാനേജിംഗ് കമ്മിറ്റി ട്രഷറർ ടി. അബ്ദുസ്സലാം, പി.ടി.എ. വൈസ് പ്രസിഡൻ്റ് ബഷീർ എം.സി, വൃന്ദ .എം , പി.ടി.ഇബ്രാഹിം, അബ്ദുൽ കരീം, അഷ്റഫ് തൂണേരി, ആർ. പ്രഷീബ, വേണു, കെ.വി. മുഹമ്മദ് ഷംസീർ പ്രസംഗിച്ചു.