അർഹനായ ഉദ്യോഗാർഥിയെ തള്ളി യൂത്ത് കോൺഗ്രസ് നേതാവിന് നിയമനം എന്ന പരാതിയിൽ പയ്യോളി നഗരസഭ കൗൺസിൽ യോഗത്തിൽനിന്ന് എൽഡിഎഫ് അംഗങ്ങൾ ഇറങ്ങിപ്പോയി

പയ്യോളി :എംപ്ലോയ്മെൻ്റ് ലിസ്റ്റിനെ പിൻതള്ളി അർഹനായ ഉദ്യോഗാർത്ഥിക്ക് നിയമനം നൽകാതെ യൂത്ത്കോൺഗ്രസ്നേതാവിന് വളഞ്ഞ വഴിയിൽ സാനിറ്ററി വർക്കർ നിയമനം നടത്തിയെന്നാരോപിച്ച്  പയ്യോളി നഗരസഭകൗൺസിൽയോഗം എൽഡിഎഫ് നേതൃത്വത്തിൽ ബഹിഷ്കരിച്ചു. കൗൺസിൽഹാളിൽ നിന്നും മുദ്രാവാക്യം മുഴക്കി ഇറങ്ങി വന്ന കൗൺസിലർമാർ നഗരസഭ ഓഫീസിന് മുന്നിൽ ധർണ നടത്തി.

നിയമന അജണ്ട കൗൺസിലിൽ ചർച്ചക്കെടുത്തപ്പോൾ നിയമനത്തിലെ അഴിമതിയെ സംബന്ധിച്ച്  കൗൺസിലർ ടി അരവിന്ദാക്ഷൻ പ്രശ്നമുന്നയിച്ചതോടെ എൽഡിഎഫ്, യുഡിഎഫ് അംഗങ്ങൾ തമ്മിൽവാക്പോർ ആരംഭിക്കുകയായി  രുന്നു. പട്ടികജാതി വിഭാഗത്തിൽ പെട്ടതും ഭിന്നശേഷിക്കാരനുമായഉദ്യോഗാർഥിയെ യായിരുന്നു പരിഗണിക്കേണ്ടിയിരുന്നത്. എന്നാൽ ഇയാളെ തള്ളിയാണ് ലിസ്റ്റിൽ ഇല്ലാതിരുന്നിട്ടും യൂത്ത് കോൺഗ്രസ്സ് നേതാവിന് നിയമനം നൽകിയതെന്നാണ് എൽഡിഎഫിൻ്റെ ആരോപണം.  ഓഫീസ് കവാടത്തിന് മുന്നിൽ നടത്തിയ ധർണ്ണ   ടി അരവിന്ദാക്ഷൻ  ഉദ്ഘാടനം ചെയ്തു. ചെറിയാവി സുരേഷ് ബാബു അധ്യക്ഷനായി. ടി ചന്തു , കെ കെ സ്മിതേഷ്, രേഖ മുല്ലക്കുനി എന്നിവർ സംസാരിച്ചു.കെ സി ബാബുരാജ് സ്വാഗതം പറഞ്ഞു