ബാലുശ്ശേരിയിൽ ബൈക്കും ലോറിയും കൂട്ടിയിടിച്ച് ബൈക്ക് യാത്രികനായ യുവാവിന് ദാരുണാന്ത്യം

ബാലുശേരി: ബാലുശ്ശേരിയിൽ ബൈക്കും

ലോറിയും കൂട്ടിയിടിച്ച് ബൈക്ക് യാത്രികനായ യുവാവിന് ദാരുണാന്ത്യം. ഉള്ളിയേരി മാമ്പൊയിൽ കാസിമിൻ്റെ മകൻ മുഹമ്മദ് ഫാസിൽ (25) ആണ് മരിച്ചത്. പറമ്പിൻ മുകളിൽ പാറക്കുളം ബസ് സ്റ്റോപ്പിന് സമീപം ഇന്നലെ രാവിലെയാണ് അപകടം 

ഗുരുതരമായി പരിക്കേറ്റ ഫാസിലിനെ ഉടൻ അടുത്തുള്ള സ്വകാര്യ ആശുപത്രിയിൽ എത്തിച്ച് പ്രാഥമിക ചികിത്സ നൽകിയ ശേഷം മൊടക്കല്ലൂർ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

.മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും. മലബാർ ഗോൾഡ് ജീവനക്കാരനാണ് മുഹമ്മദ് ഫാസിൽ.

മാതാവ്: ആരിഫ.

സഹോദരൻ: അഫ്സൽ.

 ജുമാ നമസ്ക്കാര ശേഷം ഉള്ളിയേരി സമന്വയ ഓഡിറ്റോറിയത്തിൽ പൊതുദർശനത്തിന് വെക്കും. മയ്യിത്ത് നമസ്കാരം 2.30 ന് ഉള്ളിയേരി ജുമാ മസ്ജിദിൽ.