Spotkerala news
ന്യൂഡൽഹി: പുതിയ വഖഫ് നിയമം പ്രാബല്യത്തിൽ നിയമം ചോദ്യം ചെയ്ത് 12 ലധികം ഹർജികൾ സുപ്രീം കോടതിയിൽ . രാഷ്ട്രപതി ഒപ്പുവച്ച വഖഫ് ഭേദഗതി നിയമം ചൊവ്വാഴ്ച (April 08) മുതൽ പ്രാബല്യത്തിലായെന്ന് കേന്ദ്ര ന്യൂനപക്ഷ മന്ത്രാലയം ഇറക്കിയ വിജ്ഞാപനത്തിൽ വ്യക്തമാക്കുന്നു.
പാർലമെന്റിന്റെ ഇരു സഭകളും പാസാക്കിയ വഖഫ് ബില്ലിൽ രാഷ്ട്രപതി കഴിഞ്ഞ ദിവസം ഒപ്പുവച്ചിരുന്നു. ഇതിന് പിന്നാലെയാണ് കേന്ദ്ര ന്യൂനപക്ഷ മന്ത്രാലയം പുതിയ വിജ്ഞാപനം ഇറക്കിയിരിക്കുന്നത്. വിജ്ഞാപനത്തിന്റെ അടിസ്ഥാനത്തിൽ നിയമം നടപ്പിലാക്കുന്നതിന്റെ ചട്ട രൂപീകരണം കേന്ദ്ര സർക്കാർ ഉടൻ നടത്തും.
അതേസമയം, നിയമത്തിൻ്റെ ഭരണഘടനാ സാധുത ചോദ്യം ചെയ്ത് പ്രതിപക്ഷ പാർട്ടികൾ സുപ്രീം കോടതിയെ സമീപിച്ചിരുന്നു. നിയമം ചോദ്യം ചെയ്ത് 12 ലധികം ഹർജികളാണ് നിലവിൽ സുപ്രീംകോടതിയുടെ മുന്നിലെത്തിയത്. മൗലികാവകാശങ്ങൾ ലംഘിക്കുന്നതാണ് ബിൽ എന്നാരോപിച്ചാണ് കോൺഗ്രസ് ഹർജി സമർപ്പിച്ചിരിക്കുന്നത്. ഏപ്രില് 16-ന് ചീഫ് ജസ്റ്റിസ് സഞ്ജീവ് ഖന്ന ഹര്ജികള് പരിഗണിക്കും
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.